ສາທາລະນະລັດ ປະຊາທິປະໄຕ ປະຊາຊົນລາວ

ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ

ກະຊວງ ໂຍທາທິການ ແລະ ຂົນສົ່ງ

ລັດວິສາຫະກິດ ວິສະວະກໍາ ຄົມມະນາຄົມ (ລ.ວ.ຄ) · ISO 9001:2015

ບົດລາຍງານຄວາມຄືບໜ້າ ແລະ ແຜນທົດສອບຄືນ

Progress Report & Re-test Plan · ຕອບບົດບັນທຶກກອງປະຊຸມ ວັນທີ 20/08/2026

ບົດລາຍງານຄວາມຄືບໜ້າ ຄັ້ງທີ 1 (ຫຼັງກອງປະຊຸມ 20/08/2026) · ອ້າງອີງ ເລກທີ L2703/ວມ.2026 · ອາທິດທີ 7 ຂອງແຜນ (14/09–20/09/2026) · ວັນທີພິມ 16/09/2026

ຂໍ້ທີ່ຕອບແລ້ວ

7 ຂໍ້

ການອັບເດດຫຼັກ

5 ເລື່ອງ

ກໍລະນີທົດສອບຄືນ

13 ກໍລະນີ

ຂໍ້ມູນທີ່ຍັງລໍ

6 ໝວດ

ໜ້າວຽກທັງໝົດ

65 ລາຍການ

ຄວາມຄືບໜ້າລວມ

46.2%

ຈຸດປະສົງຂອງບົດລາຍງານນີ້: ລາຍງານໃຫ້ຄະນະກຳມະການ ລ.ວ.ຄ ຮັບຊາບວ່າ ຫຼັງກອງປະຊຸມ 20/08/2026 ທີມງານ PKC ໄດ້ອັບເດດລະບົບ ແບບໃດ ແລະ ແນວໃດ ຕາມແຕ່ລະຂໍ້ທີ່ຕົກລົງ ແລ້ວແນບ ແຜນທົດສອບຄືນ 13 ກໍລະນີ (ພາກ 4) ເພື່ອໃຫ້ແຕ່ລະພະແນກທົດລອງໃຊ້ຈິງພາຍໃນອາທິດນີ້ ແລ້ວໝາຍ ຜ່ານ / ບໍ່ຜ່ານ ສົ່ງກັບຄືນ. ຜົນທົດສອບຈະເປັນພື້ນຖານຂອງການຮັບຮອງວຽກງານທີ 1 (P1-14).

1 ການຕອບສະໜອງຕໍ່ບົດບັນທຶກກອງປະຊຸມ

ກອງປະຊຸມວັນທີ 20/08/2026 ເວລາ 10:00 ໂມງ ທີ່ ຫ້ອງປະຊຸມ ລ.ວ.ຄ ຊັ້ນ 4 · ຄະນະກຳມະການເຕັກນິກ, ໄອທີ ແລະ ຜູ້ຮັບຜິດຊອບໂຄງການ ລ.ວ.ຄ + ທີມງານ PKC. ຕາຕະລາງລຸ່ມນີ້ຕອບເປັນຂໍ້ຕໍ່ຂໍ້ ພ້ອມບອກບ່ອນກວດຈິງໃນລະບົບ.

ຂໍ້ໃນບົດບັນທຶກ	ສິ່ງທີ່ຕົກລົງ / ຮ້ອງຂໍ	ສິ່ງທີ່ PKC ໄດ້ດຳເນີນ	ບ່ອນກວດ	ໜ້າວຽກ	ສະຖານະ
ຂໍ້ 1 · UI	ປັບປຸງ UI ເວີຊັນມືຖື ພ້ອມປັບຂະໜາດ ແລະ ຮູບແບບຕົວໜັງສືໃຫ້ເບິ່ງງ່າຍຂຶ້ນ	ຮື້ໜ້າພະນັກງານໃໝ່ໃຫ້ໃຊ້ໂຄງດຽວກັບໜ້າຜູ້ດູແລລະບົບ, ຟອນ Noto Serif Lao, ລວມປະຕິທິນເປັນອັນດຽວ, ບັດເຂົ້າ-ອອກວຽກເປັນ popup ແລະ ແຖບລຸ່ມບອກເວລາເຮັດວຽກ (ລາຍລະອຽດ: ພາກ 2 ຂໍ້ 5) ລໍຖ້າ ລ.ວ.ຄ ທົດລອງໃຊ້ໃນມືຖືຈິງ ແລ້ວໃຫ້ຄຳເຫັນ	/employee · /employee/punch	P1-A3	ດໍາເນີນຢູ່
ຂໍ້ 1 · Location Check-in	ລໍຖ້າການຢືນຢັນຂັ້ນຕອນ ແລະ ວິທີການໃຊ້ງານທີ່ຊັດເຈນຕື່ມອີກ	ພົບ ແລະ ແກ້ສາເຫດທີ່ບັນທຶກບໍ່ໄດ້ (ຄ່າຕັ້ງສະຖານທີ່ບໍ່ຖືກສ້າງ + ລັດສະໝີພຽງ 10 ແມັດ), ຂຽນ SOP ພ້ອມກໍລະນີຍົກເວັ້ນ ແລະ ໜ້າກວດຄວາມພ້ອມ (ລາຍລະອຽດ: ພາກ 2 ຂໍ້ 3) ຮ່າງ SOP ພ້ອມແລ້ວ — ຕ້ອງປະຊຸມສັ້ນ ແລະ ລົງນາມຮ່ວມກັນຕາມທີ່ຕົກລົງໃນຂໍ້ 3	/admin/location · ຄູ່ມືຂັ້ນຕອນໃນລະບົບ	P1-05	ດໍາເນີນຢູ່
ຂໍ້ 3 · ບັນທຶກລາຍຈ່າຍ	ເພີ່ມການບັນທຶກລາຍຈ່າຍບໍລິຫານລົງໃນລະບົບ ເຮັດລັກສະນະດຽວກັນກັບການອະນຸມັດເອກະສານ ແລ້ວທາງການເງິນຈຶ່ງໄປລົງບັນຊີໃນລະບົບແຍກຕ່າງຫາກ	ສ້າງໂມດູນໃໝ່ທັງຊຸດ: ໃບຂໍເບີກຫຼາຍລາຍການ + ໄຟລ໌ໃບບິນ, ສາຍອະນຸມັດຕາມວົງເງິນ, ບັນທຶກການຈ່າຍ ແລະ ສົ່ງອອກ Dr/Cr ໃຫ້ລະບົບບັນຊີ (ລາຍລະອຽດ: ພາກ 2 ຂໍ້ 1) ຕ້ອງໃຫ້ຝ່າຍການເງິນທົດລອງນຳໄຟລ໌ໄປລົງບັນຊີໃນລະບົບຂອງຕົນຈິງ ແລ້ວຢືນຢັນຮູບແບບຄໍລຳ	/admin/expenses · /admin/expenses/export	P1-A1	ດໍາເນີນຢູ່
ຕໍ່ຍອດ ຂໍ້ 3	ອະນຸມັດການໃຊ້ເງິນໄດ້ ແຕ່ຍັງບໍ່ມີງົບໃຫ້ທຽບ ວ່າໃຊ້ເກີນຫຼືບໍ່	ສ້າງໂມດູນງົບປະມານ: ວາງແຜນ → ຂໍອະນຸມັດ → ຕິດຕາມ ງົບ vs ໃຊ້ຈິງ → ໃບຂໍປັບງົບ. ຍອດໃຊ້ຈິງອ່ານຈາກໃບເບີກຈ່າຍໂດຍກົງ (ລາຍລະອຽດ: ພາກ 2 ຂໍ້ 2) ວຽກເພີ່ມທີ່ PKC ສະເໜີເອງ — ຂໍໃຫ້ ລ.ວ.ຄ ພິຈາລະນາຮັບເຂົ້າຂອບເຂດ	/admin/budgets · /admin/budgets/track	P1-A2	ດໍາເນີນຢູ່
ຂໍ້ 2 · ສິດທິການໃຊ້ງານ	ຕາຕະລາງສິດທິການເຂົ້າເຖິງລະບົບຕາມຕຳແໜ່ງ (Access Control Matrix) ໃຫ້ສະຫຼຸບຢ່າງຊັດເຈນ	ສ້າງບ່ອນຮອງຮັບຕາຕະລາງນັ້ນ 3 ຊັ້ນ (ບົດບາດ → ເມນູ, ຕຳແໜ່ງ → ສິດ, ລາຍຄົນ → ເມນູ) ພ້ອມແກ້ບັນຫາພະນັກງານເຂົ້າລະບົບບໍ່ໄດ້ (ລາຍລະອຽດ: ພາກ 2 ຂໍ້ 4) ເຄື່ອງມືພ້ອມແລ້ວ — ຍັງລໍເນື້ອໃນຕາຕະລາງຈາກ ລ.ວ.ຄ ເພື່ອຕັ້ງຄ່າຈິງ	/admin/menu-access · /admin/permissions · /admin/staff-access	P1-A4 + P0-09	ດໍາເນີນຢູ່
ຂໍ້ 1 · ຝຶກອົບຮົມ AI	ອາທິດທີ 1 ຂອງເດືອນ 9/2026 · 25 ຄົນຕໍ່ຄັ້ງ · ວັນທີ ລ.ວ.ຄ ຈະແຈ້ງອີກເທື່ອໜຶ່ງ	ຫຼັກສູດ 3 ບົດ ແລະ ແຜນຮຸ່ນຢູ່ໃນ WBS ໄລຍະ 4 ແລ້ວ, ຈັດແບບຂະໜານ ບໍ່ຂຶ້ນກັບການພັດທະນາ ລໍ ລ.ວ.ຄ ຢືນຢັນວັນທີ ແລະ ບັນຊີລາຍຊື່ຮຸ່ນທີ 1 (25 ຄົນ)	/roadmap/tasks (ໄລຍະ 4)	P4-01…P4-08	ຕາມແຜນ
ຂໍ້ 1 · ເຮັດວຽກຢູ່ຫ້ອງການ	ເຫັນດີໃຫ້ພະນັກງານ PKC ມາຮ່ວມເຮັດວຽກຢູ່ຫ້ອງການ ລ.ວ.ຄ ເພື່ອເອົາຂໍ້ມູນແຕ່ລະພະແນກ ແຕ່ຕ້ອງແຈ້ງພະແນກຈັດຕັ້ງບໍລິຫານກ່ອນ	ຈັດປະຕິທິນປະຈຳການ ວັນອັງຄານ ແລະ ວັນສຸກ ພ້ອມຜູ້ປະຈຳການ, ວາລະປະຊຸມ ແລະ ບັນທຶກການລົງພື້ນທີ່ ຂໍໃຫ້ພະແນກຈັດຕັ້ງບໍລິຫານຢືນຢັນຕາຕະລາງ ແລະ ຜູ້ປະສານງານແຕ່ລະພະແນກ	/roadmap/onsite	—	ດໍາເນີນຢູ່

ໝາຍເຫດເລື່ອງສະຖານະ: ຫຼາຍລາຍການຍັງເປັນ “ດຳເນີນຢູ່” ທັງທີ່ພັດທະນາສຳເລັດແລ້ວ ເພາະເງື່ອນໄຂການກວດຮັບຂອງແຕ່ລະລາຍການຕ້ອງການສິ່ງທີ່ມີແຕ່ ລ.ວ.ຄ ໃຫ້ໄດ້ — ຂໍ້ມູນຈິງ, ການລົງນາມ ຫຼື ຜົນທົດສອບ. ຈະປ່ຽນເປັນ “ສຳເລັດ” ເມື່ອໄດ້ຮັບສິ່ງເຫຼົ່ານັ້ນ.

2 ອັບເດດລະບົບແບບໃດ ແລະ ແນວໃດ

ແຕ່ລະເລື່ອງແຍກເປັນ 3 ຄຳຖາມ: ເປັນຫຍັງຕ້ອງແກ້ · ແກ້ແນວໃດ · ຜົນທີ່ວັດໄດ້.

1 ໂມດູນບັນທຶກລາຍຈ່າຍ ແລະ ສົ່ງລົງບັນຊີ

ເປັນຫຍັງ	ຕາຕະລາງເກົ່າໃນໂມດູນບັນຊີເກັບໄດ້ພຽງ 1 ແຖວ 1 ຈຳນວນເງິນ, ອະນຸມັດຂັ້ນດຽວ, ບໍ່ມີໄຟລ໌ຢັ້ງຢືນ ແລະ ບໍ່ມີຮ່ອງຮອຍ — ໃຊ້ຕາມທີ່ ລ.ວ.ຄ ຂໍບໍ່ໄດ້.
ແກ້ແນວໃດ	ສ້າງເປັນໂມດູນແຍກ 8 ຕາຕະລາງ: ໃບຂໍເບີກ, ລາຍການຍ່ອຍ, ຂັ້ນອະນຸມັດ, ໄຟລ໌ແນບ, ຮ່ອງຮອຍ, ໝວດລາຍຈ່າຍ (ຜູກກັບຜັງບັນຊີ), ຄ່າຕັ້ງ ແລະ ຊຸດສົ່ງອອກ. ສາຍອະນຸມັດຖືກສ້າງໃໝ່ທຸກຄັ້ງທີ່ກົດສົ່ງ ຈຶ່ງບໍ່ມີຂັ້ນຄ້າງຈາກຮອບກ່ອນ.
ຜົນທີ່ວັດໄດ້	ໃບເບີກ → ອະນຸມັດ → ຈ່າຍ → ສົ່ງອອກ Dr/Cr ເປັນ CSV/JSON. ຊຸດທີ່ສົ່ງແລ້ວ ຖືກປະທັບເລກຊຸດ ຈຶ່ງລົງບັນຊີຊໍ້າບໍ່ໄດ້ ແລະ ຖອນຊຸດຄືນໄດ້ຖ້າສົ່ງຜິດ.

2 ໂມດູນງົບປະມານ

ເປັນຫຍັງ	ກ່ອນໜ້ານີ້ “ງົບປະມານ” ໃນລະບົບມີພຽງຕົວເລກດຽວຕໍ່ໂຄງການ: ບໍ່ມີແຜນ, ບໍ່ມີການອະນຸມັດ, ບໍ່ມີງົບຕາມພະແນກ ຫຼື ຕາມປີ ຈຶ່ງອະນຸມັດລາຍຈ່າຍໄດ້ໂດຍບໍ່ຮູ້ວ່າເກີນງົບຫຼືບໍ່.
ແກ້ແນວໃດ	ແຜນງົບ 1 ໃບ = ຫຼາຍລາຍການຕາມໝວດ (ໝວດຊຸດດຽວກັບໃບເບີກ) ຢາຍເປັນລາຍເດືອນໄດ້; ອະນຸມັດຫຼາຍຂັ້ນຕາມວົງເງິນ; ແຜນທີ່ອະນຸມັດແລ້ວແກ້ຕົວເລກກົງໆບໍ່ໄດ້ ຕ້ອງຜ່ານໃບຂໍປັບງົບທີ່ມີສາຍອະນຸມັດຂອງມັນເອງ.
ຜົນທີ່ວັດໄດ້	ໜ້າຕິດຕາມສະແດງ ງົບ / ໃຊ້ຈິງ / ຜູກມັດ / ຍັງເຫຼືອ ຕາມແຜນ, ຕາມໝວດ ແລະ ຕາມເດືອນ. ໜ້າໃບເບີກຈ່າຍມີແຖບບອກ “ຍັງເບີກໄດ້ອີກເທົ່າໃດ” ກ່ອນສ້າງໃບ.

3 Location Check-in — ຂັ້ນຕອນ ແລະ ການແກ້ໄຂ

ເປັນຫຍັງ	ຕາມບົດບັນທຶກ ຂໍ້ 1: ຍັງລໍການຢືນຢັນຂັ້ນຕອນ. ຈາກການກວດພົບວ່າລະບົບປະຕິເສດ ທຸກການບັນທຶກ ໂດຍບໍ່ມີໃຜຮູ້ສາເຫດ.
ແກ້ແນວໃດ	ແກ້ 2 ຈຸດ: ສ້າງແຖວຄ່າຕັ້ງສະຖານທີ່ອັດຕະໂນມັດ (ເມື່ອກ່ອນສ້າງສະເພາະຕອນຜູ້ດູແລ ກົດບັນທຶກຄັ້ງທຳອິດ) ແລະ ຍົກລັດສະໝີຂັ້ນຕ່ຳຈາກ 10 ເປັນ 50 ແມັດ. ຂຽນ SOP ເປັນລາຍລັກອັກສອນ + ກໍລະນີຍົກເວັ້ນ + ໜ້າກວດຄວາມພ້ອມ.
ຜົນທີ່ວັດໄດ້	ບັນທຶກເຂົ້າ-ອອກຜ່ານ popup ໃຊ້ໄດ້ຈິງ. ເມນູ GPS ແລະ QR ຖືກປິດຊົ່ວຄາວຕາມການ ຮ້ອງຂໍ (ຍັງບໍ່ໄດ້ນຳໃຊ້) ແຕ່ຜູ້ດູແລເປີດຄືນໄດ້ຕາມຕຳແໜ່ງ ຫຼື ລາຍຄົນ.

4 ສິດເຂົ້າເຖິງ ແລະ ການເຂົ້າສູ່ລະບົບຂອງພະນັກງານ

ເປັນຫຍັງ	ພະນັກງານເຂົ້າລະບົບບໍ່ໄດ້ເພື່ອທົດສອບ ແລະ ຍັງບໍ່ມີບ່ອນຕັ້ງຄ່າວ່າ ເມນູໃດຈະໃຫ້ບົດບາດໃດເຫັນ.
ແກ້ແນວໃດ	ພົບວ່າການກວດຕົວຕົນຄັດບັນຊີທີ່ຖືກປິດອອກຕັ້ງແຕ່ໃນຄຳສັ່ງຖານຂໍ້ມູນ ຈຶ່ງເຫັນເປັນ “ລະຫັດຜິດ” — ເປີດບັນຊີຄືນ ແລະ ເພີ່ມການແຈ້ງເຫດຜົນທີ່ແທ້ຈິງ. ຈາກນັ້ນສ້າງໜ້າຕັ້ງຄ່າສິດ 3 ຊັ້ນ ພ້ອມບັງຄັບໃຊ້ 4 ຈຸດ.
ຜົນທີ່ວັດໄດ້	ຜູ້ດູແລລະບົບກຳນົດເອງໄດ້ວ່າບົດບາດໃດເຫັນເມນູໃດ ແລະ ເປີດເມນູສະເພາະ ໃຫ້ພະນັກງານລາຍຄົນໄດ້ ໂດຍບໍ່ຕ້ອງແກ້ສິດທັງຕຳແໜ່ງ.

5 ໜ້າພະນັກງານ — ມືຖື ແລະ ຄອມພິວເຕີ

ເປັນຫຍັງ	ຕາມບົດບັນທຶກ ຂໍ້ 1 ແລະ ຂໍ້ 3: ປັບ UI ມືຖື ແລະ ຂະໜາດຕົວໜັງສືໃຫ້ເບິ່ງງ່າຍ. ນອກນັ້ນໜ້າພະນັກງານ ແລະ ໜ້າຜູ້ດູແລລະບົບຍັງເປັນຄົນລະໂຄງ ເຮັດໃຫ້ສັບສົນ.
ແກ້ແນວໃດ	ໃຊ້ຟອນ Noto Serif Lao, ຮື້ໂຄງໜ້າພະນັກງານໃຫ້ໃຊ້ອົງປະກອບດຽວກັບໜ້າຜູ້ດູແລ (ແຖບນຳທາງເປັນກຸ່ມ, breadcrumb, ribbon, ແຖບສະຖານະລຸ່ມ), ລວມປະຕິທິນ 2 ບ່ອນ ເປັນອັນດຽວ, ຍ້າຍບັດເຂົ້າ-ອອກວຽກເປັນ popup + ໜ້າຕ່າງຫາກ, ເອົາບັດຊໍ້າຢູ່ຫົວໜ້າອອກ.
ຜົນທີ່ວັດໄດ້	ແຖບລຸ່ມສະແດງ ເວລາເຂົ້າ / ເວລາອອກ / ຊົ່ວໂມງທີ່ຍັງເຫຼືອ ທຸກໜ້າ; ແຖບຂ້າງພັບໄວ້ເປັນຄ່າເລີ່ມຕົ້ນ ເພາະມີເມນູດ້ານເທິງແລ້ວ.

3 ຂໍ້ມູນ ແລະ ເອກະສານທີ່ຍັງລໍຖ້າຈາກ ລ.ວ.ຄ

ຕາມບົດບັນທຶກ ຂໍ້ 2 ພ້ອມ 1 ໝວດທີ່ເພີ່ມມາຈາກວຽກໃໝ່. ຄໍລຳ “ຄ້າງໜ້າວຽກ” ບອກວ່າຖ້າຍັງບໍ່ໄດ້ຮັບ ໜ້າວຽກໃດຈະຍັງປິດບໍ່ໄດ້.

ໝວດໝູ່	ລາຍການຂໍ້ມູນທີ່ຕ້ອງການ	ພະແນກຮັບຜິດຊອບ	ຄ້າງໜ້າວຽກ
ເອກະສານວຽກງານ	ເອກະສານໜ້າວຽກ (Job Description / Workflow) ຂອງແຕ່ລະພະແນກ ເອກະສານລະບຽບການມາວຽກ ແລະ ການເຮັດວຽກນອກໂມງ (OT)	ຈັດຕັ້ງບໍລິຫານ	P1-06, P1-09
ໂຄງສ້າງອົງກອນ ແລະ ໂຄງການ	ຜັງໂຄງສ້າງອົງກອນຢ່າງເປັນທາງການ ການຮັບຮອງແມ່ແບບໂຄງການ (Project Template) ທັງ 4 ປະເພດ	ຈັດຕັ້ງບໍລິຫານ + ໂຄງການ	P1-01, P3-01
ຂໍ້ມູນຊັບສິນ	ການຮັບຮອງໂຄງສ້າງລະຫັດຊັບສິນ (Asset Code Structure) ຂໍ້ມູນຊັບສິນທັງໝົດ	ຄຸ້ມຄອງຊັບສິນ	P2-01, P2-10
ບຸກຄະລາກອນ ແລະ ເງິນເດືອນ	ຕົວຢ່າງຂໍ້ມູນການເຂົ້າ-ອອກວຽກ, ການມາຊ້າ ແລະ ການຂາດວຽກ ຮູບແບບໄຟລ໌ (File Format) ທີ່ຈະໃຊ້ອັບໂຫຼດເຂົ້າລະບົບເງິນເດືອນ	ບຸກຄະລາກອນ + ການເງິນ	P1-03, P1-08
ສິດທິການໃຊ້ງານ	ຕາຕະລາງສິດທິການເຂົ້າເຖິງລະບົບຕາມຕຳແໜ່ງ (Access Control Matrix)	ໄອທີ + ຈັດຕັ້ງບໍລິຫານ	P0-09, P1-A4
ເພີ່ມຕາມວຽກໃໝ່	ຜັງບັນຊີ (ລະຫັດບັນຊີ Dr/Cr) ແລະ ຮູບແບບຄໍລຳທີ່ລະບົບບັນຊີຕ້ອງການ ວົງເງິນທີ່ຕ້ອງຜ່ານແຕ່ລະຂັ້ນອະນຸມັດ (ຫົວໜ້າ / ການເງິນ / ຜອ. / ຄະນະບໍລິຫານ) ງົບປະມານປີ 2026 ຕາມພະແນກ ເພື່ອຕັ້ງແຜນງົບຕົວຈິງ	ການເງິນການຕະຫຼາດ	P1-A1, P1-A2

4 ແຜນທົດສອບຄືນ ອາທິດນີ້ (13 ກໍລະນີ)

ໃຫ້ຜູ້ທົດສອບເຮັດຕາມຂັ້ນຕອນ ແລ້ວທຽບກັບ “ຜົນທີ່ຄາດຫວັງ”. ຖ້າບໍ່ຜ່ານ ໃຫ້ຂຽນສິ່ງທີ່ພົບຈິງໃນຊ່ອງໝາຍເຫດ — ບໍ່ຕ້ອງອະທິບາຍວິທີແກ້. ສົ່ງກັບຄືນພາຍໃນອາທິດນີ້ (ຮອດ 20/09/2026).

ລາຍຈ່າຍ (4 ກໍລະນີ)

ລະຫັດ	ສິ່ງທີ່ທົດສອບ	ຂັ້ນຕອນ	ຜົນທີ່ຄາດຫວັງ	ຜູ້ທົດສອບ	ຜ່ານ / ບໍ່ຜ່ານ
T-01	ພະນັກງານສົ່ງໃບຂໍເບີກຈ່າຍ	ເຂົ້າ /employee/expenses ກົດ ສ້າງໃບ ແລ້ວໃສ່ 2 ລາຍການ ແນບຮູບໃບບິນ 1 ໄຟລ໌ ກົດ ສົ່ງຂໍອະນຸມັດ	ໃບປ່ຽນເປັນ “ລໍຖ້າອະນຸມັດ” ແລະ ເຫັນວ່າຕອນນີ້ຢູ່ຂັ້ນໃດ	ພະນັກງານ	☐ ຜ່ານ ☐ ບໍ່ຜ່ານ
T-02	ອະນຸມັດຕາມສາຍ ແລະ ການປະຕິເສດ	ເຂົ້າ /admin/expenses/approvals ດ້ວຍບັນຊີຫົວໜ້າ ອະນຸມັດຂັ້ນທີ 1 ເຂົ້າດ້ວຍບັນຊີການເງິນ ແລ້ວປະຕິເສດ ພ້ອມໃສ່ເຫດຜົນ ໃຫ້ພະນັກງານແກ້ແລ້ວສົ່ງໃໝ່	ຂັ້ນທີ່ອະນຸມັດແລ້ວມີຊື່ ແລະ ເວລາ; ເມື່ອສົ່ງໃໝ່ ສາຍອະນຸມັດເລີ່ມຕົ້ນໃໝ່ຄົບ	ຫົວໜ້າ + ການເງິນ	☐ ຜ່ານ ☐ ບໍ່ຜ່ານ
T-03	ບັນທຶກການຈ່າຍ ແລະ ສົ່ງລົງບັນຊີ	ບັນທຶກການຈ່າຍໃບທີ່ອະນຸມັດແລ້ວ ເຂົ້າ /admin/expenses/export ດາວໂຫລດ CSV ແລ້ວເປີດໃນ Excel ລອງສົ່ງອອກຊຸດເກົ່າຄືນອີກຄັ້ງ	CSV ມີແຖວ Dr/Cr ຄົບ ແລະ ດຸນກັນ; ໃບທີ່ສົ່ງແລ້ວບໍ່ປາກົດໃນຊຸດຕໍ່ໄປ	ການເງິນ	☐ ຜ່ານ ☐ ບໍ່ຜ່ານ
T-04	ນຳໄຟລ໌ໄປລົງບັນຊີໃນລະບົບແຍກຕ່າງຫາກ	ນຳ CSV ຈາກ T-03 ໄປນຳເຂົ້າລະບົບບັນຊີຂອງ ລ.ວ.ຄ ກວດວ່າຄໍລຳຄົບ ແລະ ລະຫັດບັນຊີກົງ	ລົງບັນຊີໄດ້ໂດຍບໍ່ຕ້ອງແກ້ໄຟລ໌ດ້ວຍມື — ຖ້າຕ້ອງແກ້ ໃຫ້ລະບຸຄໍລຳທີ່ຂາດ	ການເງິນ	☐ ຜ່ານ ☐ ບໍ່ຜ່ານ

ງົບປະມານ (4 ກໍລະນີ)

ລະຫັດ	ສິ່ງທີ່ທົດສອບ	ຂັ້ນຕອນ	ຜົນທີ່ຄາດຫວັງ	ຜູ້ທົດສອບ	ຜ່ານ / ບໍ່ຜ່ານ
T-05	ສ້າງແຜນງົບ ແລະ ຂໍອະນຸມັດ	ເຂົ້າ /admin/budgets ກົດ ສ້າງແຜນງົບ ເລືອກ ປີ 2026 · ຂອບເຂດ ພະແນກ · ໃສ່ 3 ລາຍການ ກົດ ສົ່ງຂໍອະນຸມັດ	ລະບົບສ້າງສາຍອະນຸມັດເອງຕາມວົງເງິນ ແລະ ບອກວ່າຈະຜ່ານໃຜແດ່	ການເງິນ	☐ ຜ່ານ ☐ ບໍ່ຜ່ານ
T-06	ອະນຸມັດແຜນງົບຕາມວົງເງິນ	ສ້າງອີກ 1 ແຜນທີ່ວົງເງິນເກີນ 50 ລ້ານ ແລ້ວສົ່ງ ເຂົ້າ /admin/budgets/approvals ດ້ວຍແຕ່ລະບົດບາດ	ແຜນວົງເງິນໃຫຍ່ມີຂັ້ນ ຜອ. ເພີ່ມ; ແຕ່ລະບົດບາດເຫັນສະເພາະຂັ້ນຂອງຕົນ	ຜອ. / ຄະນະບໍລິຫານ	☐ ຜ່ານ ☐ ບໍ່ຜ່ານ
T-07	ງົບ ທຽບ ໃຊ້ຈິງ	ອະນຸມັດໃບເບີກຈ່າຍ 1 ໃບ ໃນພະແນກທີ່ມີແຜນງົບ ເຂົ້າ /admin/budgets/track ກັບໄປ /admin/expenses ເບິ່ງແຖບເທິງສຸດ	ຍອດ “ໃຊ້ຈິງ” ເພີ່ມຕາມໃບທີ່ອະນຸມັດ ແລະ ແຖບບອກງົບຄົງເຫຼືອຫຼຸດລົງເທົ່າກັນ	ການເງິນ	☐ ຜ່ານ ☐ ບໍ່ຜ່ານ
T-08	ໃບຂໍປັບງົບ	ເຂົ້າ /admin/budgets/changes ສ້າງໃບໂອນງົບລະຫວ່າງ 2 ລາຍການ ລອງໂອນຫຼາຍກວ່າຍອດທີ່ຍັງເຫຼືອ ສົ່ງ ແລະ ອະນຸມັດໃບທີ່ຖືກຕ້ອງ	ໂອນເກີນຖືກປະຕິເສດພ້ອມເຫດຜົນ; ໃບທີ່ອະນຸມັດແລ້ວປັບຍອດລາຍການໃຫ້ເອງ ແລະ ຍອດແຜນຄືເກົ່າ	ຫົວໜ້າພະແນກ	☐ ຜ່ານ ☐ ບໍ່ຜ່ານ

ສິດເຂົ້າເຖິງ (2 ກໍລະນີ)

ລະຫັດ	ສິ່ງທີ່ທົດສອບ	ຂັ້ນຕອນ	ຜົນທີ່ຄາດຫວັງ	ຜູ້ທົດສອບ	ຜ່ານ / ບໍ່ຜ່ານ	ໝາຍເຫດ
T-09	ຕັ້ງຄ່າວ່າບົດບາດໃດເຫັນເມນູໃດ	ເຂົ້າ /admin/menu-access ປິດເມນູໃດໜຶ່ງຂອງບົດບາດ ຫົວໜ້າໜ່ວຍງານ ອອກແລ້ວເຂົ້າໃໝ່ດ້ວຍບັນຊີຫົວໜ້າ ລອງພິມ URL ຂອງໜ້ານັ້ນໂດຍກົງ	ເມນູຫາຍໄປ ແລະ ພິມ URL ກົງໆກໍ່ເຂົ້າບໍ່ໄດ້ (ບໍ່ແມ່ນພຽງເຊື່ອງ)	ໄອທີ	☐ ຜ່ານ ☐ ບໍ່ຜ່ານ
T-10	ເປີດເມນູໃຫ້ພະນັກງານສະເພາະຄົນ	ເຂົ້າ /admin/staff-access ເລືອກເມນູ ບັນທຶກ GPS ຕິກໃຫ້ພະນັກງານ 1 ຄົນ ແລ້ວບັນທຶກ ເຂົ້າດ້ວຍບັນຊີຄົນນັ້ນ ແລະ ບັນຊີຄົນອື່ນ	ຄົນທີ່ຖືກເປີດເຫັນເມນູ, ຄົນອື່ນບໍ່ເຫັນ — ໂດຍບໍ່ຕ້ອງແກ້ສິດທັງຕຳແໜ່ງ	ໄອທີ	☐ ຜ່ານ ☐ ບໍ່ຜ່ານ

ໜ້າພະນັກງານ (2 ກໍລະນີ)

ລະຫັດ	ສິ່ງທີ່ທົດສອບ	ຂັ້ນຕອນ	ຜົນທີ່ຄາດຫວັງ	ຜູ້ທົດສອບ	ຜ່ານ / ບໍ່ຜ່ານ	ໝາຍເຫດ
T-11	ບັນທຶກເຂົ້າ-ອອກວຽກ ແລະ ຕົວໜັງສື	ເປີດ /employee ໃນມືຖື ກົດປຸ່ມບັນທຶກເຂົ້າວຽກ (popup) ເບິ່ງແຖບລຸ່ມສຸດ ເລື່ອນເບິ່ງປະຕິທິນ ແລະ ວຽກງານ	popup ບັນທຶກໄດ້; ແຖບລຸ່ມສະແດງ ເວລາເຂົ້າ / ອອກ / ຊົ່ວໂມງທີ່ຍັງເຫຼືອ; ຕົວໜັງສືອ່ານງ່າຍ ແລະ ບໍ່ລົ້ນຈໍ	ພະນັກງານ (ມືຖື)	☐ ຜ່ານ ☐ ບໍ່ຜ່ານ
T-12	ຄວາມສອດຄ່ອງກັບໜ້າຜູ້ດູແລລະບົບ	ເປີດ /employee ໃນຄອມພິວເຕີ ສະຫຼັບໄປມາລະຫວ່າງ 4–5 ໜ້າ ຖ້າມີບັນຊີຜູ້ດູແລ ໃຫ້ສະຫຼັບໄປໜ້າຜູ້ດູແລເບິ່ງ	ແຖບນຳທາງ, ຫົວຂໍ້ໜ້າ ແລະ ແຖບລຸ່ມຢູ່ບ່ອນດຽວກັນທຸກໜ້າ ບໍ່ສັບສົນ	ພະນັກງານ (ຄອມ)	☐ ຜ່ານ ☐ ບໍ່ຜ່ານ

Location (1 ກໍລະນີ)

ລະຫັດ	ສິ່ງທີ່ທົດສອບ	ຂັ້ນຕອນ	ຜົນທີ່ຄາດຫວັງ	ຜູ້ທົດສອບ	ຜ່ານ / ບໍ່ຜ່ານ	ໝາຍເຫດ
T-13	ຢືນຢັນຂັ້ນຕອນ GPS ຕາມທີ່ຕົກລົງໃນຂໍ້ 3	ອ່ານ SOP ຮ່ວມກັນ ແລ້ວກຳນົດເຂດ ແລະ ລັດສະໝີຈິງຂອງແຕ່ລະສະຖານທີ່ ໃຫ້ພະນັກງານ 2 ຄົນລອງບັນທຶກຢູ່ໃນ ແລະ ນອກເຂດ ຕົກລົງກໍລະນີຍົກເວັ້ນ (ສັນຍານບໍ່ດີ, ລົງສະໜາມໄກ)	ໄດ້ຂໍ້ສະຫຼຸບຂັ້ນຕອນທີ່ທັງສອງຝ່າຍລົງນາມ → ປິດຂໍ້ຄ້າງຂອງ P1-05	ໄອທີ + ພະນັກງານສະໜາມ	☐ ຜ່ານ ☐ ບໍ່ຜ່ານ

ບັນຊີສຳລັບທົດສອບ: ໃຊ້ບັນຊີຈິງຂອງແຕ່ລະທ່ານ. ຖ້າຍັງບໍ່ມີ ໃຫ້ແຈ້ງທີມ PKC ເພື່ອສ້າງໃຫ້ຕາມບົດບາດ (ຜູ້ດູແລລະບົບ / ຫົວໜ້າໜ່ວຍງານ / ຄະນະບໍລິຫານ / ພະນັກງານ). ຂໍ້ມູນທີ່ປ້ອນລະຫວ່າງທົດສອບຈະຖືກລ້າງອອກກ່ອນນຳໃຊ້ຈິງ — ທົດລອງໄດ້ຢ່າງເຕັມທີ່.

5 ຂັ້ນຕອນຕໍ່ໜ້າ ແລະ ນັດໝາຍ

ກຳນົດເວລາ	ຜູ້ຮັບຜິດຊອບ	ສິ່ງທີ່ຕ້ອງເຮັດ
ອາທິດນີ້ (W4)	ລ.ວ.ຄ	ທົດສອບຄືນ 13 ກໍລະນີໃນພາກ 4 ແລ້ວໝາຍ ຜ່ານ / ບໍ່ຜ່ານ ໃນຕາຕະລາງ
ອາທິດນີ້ (W4)	ລ.ວ.ຄ · ການເງິນ	ສົ່ງຜັງບັນຊີ ແລະ ວົງເງິນອະນຸມັດແຕ່ລະຂັ້ນ ເພື່ອຕັ້ງຄ່າຈິງ (T-04, T-06)
ອາທິດນີ້ (W4)	ທັງສອງຝ່າຍ	ປະຊຸມສັ້ນສະຫຼຸບຂັ້ນຕອນ Location Check-in ແລ້ວລົງນາມ (T-13)
ອາທິດໜ້າ (W5)	ລ.ວ.ຄ	ສົ່ງ Access Control Matrix ແລະ ຜັງໂຄງສ້າງອົງກອນທາງການ
ອາທິດໜ້າ (W5)	PKC	ແກ້ໄຂຕາມຜົນທົດສອບ ແລ້ວກຽມ UAT ວຽກງານທີ 1 (P1-14)
ອາທິດທີ 1 ເດືອນ 9	ທັງສອງຝ່າຍ	ຝຶກອົບຮົມ AI ຮຸ່ນທີ 1 (25 ຄົນ) — ລໍ ລ.ວ.ຄ ຢືນຢັນວັນທີ

ຄວາມຄືບໜ້າຕາມໄລຍະ

ໄລຍະ / Phase

W103/08 W210/08 W317/08 W424/08 W531/08 W607/09 W714/09 W821/09 W928/09

P0 Mobilisation & Kick-off
03–09 ສິງຫາ · 50%

P0

P1 ERP & HRM
03 ສິງຫາ – 06 ກັນຍາ · 47.2%

P1

P2 Smart Asset Management
10 ສິງຫາ – 13 ກັນຍາ · 81.8%

P2

P3 Project Management & Tracking
17 ສິງຫາ – 20 ກັນຍາ · 75%

P3

P4 People Enablement & AI Adoption
17 ສິງຫາ – 27 ກັນຍາ · 0%

P4

P5 Integration Test, Go-Live & Hand-over
14–30 ກັນຍາ · 0%

P5

ໄລຍະດໍາເນີນງານ W1 — ງວດທີ 1 (30%) W8 — ງວດທີ 2 (60%) W9 — ງວດທີ 3 (10%)

ຫຼັງໄດ້ຮັບຜົນທົດສອບ ທີມງານ PKC ຈະແກ້ໄຂຂໍ້ບົກຜ່ອງທີ່ພົບ ແລ້ວນັດ ທົດສອບຮັບຮອງວຽກງານທີ 1 (UAT · ໜ້າວຽກ P1-14) ຢ່າງເປັນທາງການ. ຕາມມາດຕາ 5 ຂໍ້ 3 ຂອງສັນຍາ ຫາກບໍ່ມີການຕິຊົມພາຍໃນ 7 ວັນ ຖືວ່າຮັບຮອງແລ້ວ — ແຕ່ທີມງານຂໍໃຫ້ມີການທົດລອງໃຊ້ຈິງກ່ອນທຸກກໍລະນີ.

ຕາງໜ້າຜູ້ວ່າຈ້າງ

ລັດວິສາຫະກິດ ວິສະວະກໍາ ຄົມມະນາຄົມ (ລ.ວ.ຄ)

(ຊື່ ແລະ ລາຍເຊັນ · ປະທັບຕາ)

ຕາງໜ້າຜູ້ຮັບຈ້າງ

ບໍລິສັດ ພີເຄຊີ ຈໍາກັດຜູ້ດຽວ (PKC)

(ຊື່ ແລະ ລາຍເຊັນ · ປະທັບຕາ)