ຄູ່ມືການໃຊ້ງານລະບົບບໍລິຫານຈັດການອົງກອນ

ລະບົບບໍລິຫານຈັດການອົງກອນ ລ.ວ.ຄ ເປັນລະບົບເວັບ (Web Application) ທີ່ໃຊ້ຜ່ານໂປຣແກຣມທ່ອງເວັບໄດ້ທັງຄອມພິວເຕີ ແລະ ໂທລະສັບ ໂດຍບໍ່ຕ້ອງຕິດຕັ້ງແອັບ. ຂໍ້ມູນທັງໝົດເກັບຢູ່ເຊີບເວີສູນກາງບ່ອນດຽວ ຈຶ່ງບໍ່ມີບັນຫາໄຟລ໌ຫຼາຍສະບັບຊ້ອນກັນ.

ລະບົບຖືກແບ່ງອອກເປັນ ສີ່ວຽກງານຫຼັກ ຕາມສັນຍາພັດທະນາລະບົບ:

ໂມດູນເຫຼົ່ານີ້ ບໍ່ໄດ້ແຍກກັນ — ຂໍ້ມູນໄຫຼຕໍ່ກັນ. ຕົວຢ່າງທີ່ເຫັນຊັດເຈນທີ່ສຸດ:

• ພະນັກງານໜຶ່ງຄົນທີ່ລົງທະບຽນຢູ່ /admin/employees ຈະປາກົດເປັນຕົວເລືອກໃນທຸກບ່ອນທັນທີ — ຜູ້ຢືມຊັບສິນ, ຜູ້ຂໍເບີກຈ່າຍ, ສະມາຊິກໂຄງການ, ຜູ້ຮັບຜິດຊອບເອກະສານ ISO.
• ໃບເບີກຈ່າຍທີ່ອະນຸມັດແລ້ວ ຈະຖືກນັບເປັນ ລາຍຈ່າຍຕົວຈິງ ຂອງງົບປະມານທັນທີ ໂດຍບໍ່ຕ້ອງພິມຊໍ້າ.
• ໃບເບີກຈ່າຍທີ່ຜູກກັບໂຄງການ ຈະໄປປາກົດຢູ່ໜ້າພາບລວມໂຄງການເປັນລາຍຈ່າຍຂອງໂຄງການນັ້ນ.
• ການສະແກນ QR ຢືມເຄື່ອງມືຢູ່ສະຖານທີ່ຈິງ ຈະປິດຊ່ອງຫວ່າງຂອງການນັບກວດຊັບສິນຮອບນັ້ນໃຫ້ເອງ.

ເມື່ອເຂົ້າສໍາເລັດ ລະບົບຈະພາໄປໜ້າຫຼັກຂອງແຕ່ລະປະຕູ: /admin (ໜ້າສະຫຼຸບຜູ້ບໍລິຫານ) ຫຼື /employee (ໜ້າຫຼັກພະນັກງານ).

1. 1ເປີດເວັບ ltec.onemiracles.com ແລ້ວເລືອກປະຕູທີ່ຖືກຕ້ອງ (ເບິ່ງບົດ 1.2).
2. 2ພະນັກງານ: ປ້ອນ ລະຫັດພະນັກງານ ເຊັ່ນ LTEC001 — ບໍ່ແມ່ນຊື່ ແລະ ບໍ່ແມ່ນອີເມວ. ຜູ້ບໍລິຫານ: ປ້ອນ ອີເມວ.
3. 3ປ້ອນລະຫັດຜ່ານ. ພະນັກງານທີ່ຝ່າຍບຸກຄະລາກອນຕັ້ງ PIN 6 ຕົວເລກໃຫ້ ສາມາດໃຊ້ PIN ແທນລະຫັດຜ່ານໄດ້.
4. 4ກົດ “ເຂົ້າສູ່ລະບົບ”.
5. 5ເມື່ອເລີກໃຊ້ ໃຫ້ກົດຊື່ຕົນເອງມຸມຂວາເທິງ › ອອກຈາກລະບົບ ທຸກຄັ້ງ ໂດຍສະເພາະເມື່ອໃຊ້ເຄື່ອງຮ່ວມກັນ.

ເຂົ້າບໍ່ໄດ້ — ໄລ່ກວດຕາມລໍາດັບນີ້:

1. 1ເຂົ້າຖືກປະຕູບໍ່? ບັນຊີພະນັກງານໃຊ້ /staff ບໍ່ແມ່ນ /admin.
2. 2ໃຊ້ຖືກຊື່ຜູ້ໃຊ້ບໍ່? ພະນັກງານໃຊ້ລະຫັດພະນັກງານ ບໍ່ແມ່ນຊື່ ຫຼື ອີເມວ.
3. 3ບັນຊີຖືກລະງັບບໍ່? ຖ້າຝ່າຍບຸກຄະລາກອນປິດສະຖານະພະນັກງານໄວ້ ລະບົບຈະແຈ້ງແບບດຽວກັບລະຫັດຜິດ. ໃຫ້ຜູ້ດູແລກວດທີ່ /admin/employees ວ່າສະຖານະຍັງ “ໃຊ້ງານ” ຢູ່ບໍ່.
4. 4ຖືກລັອກຈາກການປ້ອນຜິດຫຼາຍຄັ້ງບໍ່? ລໍຖ້າໃຫ້ພົ້ນ 15 ນາທີ.
5. 5ຍັງບໍ່ໄດ້ — ຕິດຕໍ່ຜູ້ດູແລລະບົບເພື່ອຕັ້ງລະຫັດຜ່ານໃໝ່ໃຫ້.

ກ. ບົດບາດຝັ່ງບໍລິຫານ (/admin) — ກໍານົດວ່າຜູ້ໃຊ້ຄົນນັ້ນເປີດໜ້າໃດໄດ້ ແລະ ບັນທຶກໄດ້ບໍ່:

ຂ. ສິດຝັ່ງພະນັກງານ (/employee) — ກໍານົດຕາມ ຕໍາແໜ່ງ ຂອງພະນັກງານ ບໍ່ແມ່ນຕາມບົດບາດຂ້າງເທິງ. ຕັ້ງທີ່ /admin/permissions.

ນອກນັ້ນຍັງມີສອງເຄື່ອງມືປັບແຕ່ງເມນູ ເບິ່ງບົດ 2.5 ແລະ 2.6.

ເກືອບທຸກໜ້າທະບຽນ (ພະນັກງານ, ຊັບສິນ, ເອກະສານ, ໃບເບີກຈ່າຍ, ງົບປະມານ) ມີໂຄງສ້າງດຽວກັນ:

• ແຖບຕົວເລກສະຫຼຸບ ຢູ່ເທິງສຸດ — ກົດຕົວເລກເພື່ອກັ່ນຕອງລາຍການດ້ານລຸ່ມ
• ຊ່ອງຄົ້ນຫາ + ຕົວກັ່ນຕອງ — ຄົ້ນຫາຈາກລະຫັດ, ຊື່, ຜູ້ຮັບຜິດຊອບ
• ຕາຕະລາງລາຍການ — ກົດແຖວເພື່ອເປີດລາຍລະອຽດ ຫຼື ແກ້ໄຂ
• ປຸ່ມສີຂຽວ/ຟ້າມຸມຂວາເທິງ — ສ້າງລາຍການໃໝ່ ຫຼື ສົ່ງອອກ

ຂໍ້ມູນຫຼັກຕ້ອງມີກ່ອນ ຂໍ້ມູນທຸລະກໍາຈຶ່ງຈະບັນທຶກໄດ້. ຕັ້ງຕາມລໍາດັບນີ້:

1. 1ຂໍ້ມູນບໍລິສັດ — /admin/settings: ຊື່, ທີ່ຢູ່, ໂລໂກ້, ເຂດເວລາ, ສະກຸນເງິນ
2. 2ພະແນກ — /admin/departments ແລ້ວກໍານົດຫົວໜ້າແຕ່ລະພະແນກທີ່ /admin/org
3. 3ຕໍາແໜ່ງ ແລະ ສິດ — /admin/permissions: ສ້າງຕໍາແໜ່ງ ແລະ ຕິກສິດຂອງແຕ່ລະຕໍາແໜ່ງ
4. 4ຕາຕະລາງເວລາ ແລະ ວັນພັກ — /admin/schedules
5. 5ພະນັກງານ — /admin/employees: ນໍາເຂົ້າດ້ວຍແບບຟອມ ຫຼື ເພີ່ມເທື່ອລະຄົນ (ຕ້ອງມີພະແນກ ແລະ ຕໍາແໜ່ງກ່ອນ)
6. 6ວິທີບັນທຶກເຂົ້າ-ອອກ — ຕັ້ງເຂດ GPS ທີ່ /admin/location ຫຼື ຕິດ QR ທີ່ /admin/qr-codes
7. 7ຂໍ້ມູນຫຼັກຂອງແຕ່ລະໂມດູນ — ໝວດຊັບສິນ, ໝວດລາຍຈ່າຍ, ປະເພດເອກະສານ ISO, ໝວດງົບປະມານ
8. 8ຕັ້ງເມນູຕາມບົດບາດ — /admin/menu-access ແລ້ວທົດລອງເຂົ້າດ້ວຍບັນຊີແຕ່ລະບົດບາດ

ໜ້ານີ້ສະແດງພະນັກງານທັງໝົດ ພ້ອມຕົວກັ່ນຕອງຕາມ ພະແນກ · ສາຂາ · ສະຖານະ ແລະ ຊ່ອງຄົ້ນຫາຕາມຊື່ ຫຼື ລະຫັດ.

ເພີ່ມພະນັກງານໃໝ່ — ແບບຟອມມີ 4 ຂັ້ນຕອນ ຢູ່ໃນປ່ອງດຽວກັນ:

1. 1ກົດປຸ່ມ + ເພີ່ມພະນັກງານ ມຸມຂວາເທິງ.
2. 2ຂັ້ນ 1 · ຂໍ້ມູນຫຼັກ — ລະຫັດພະນັກງານ, ຊື່-ນາມສະກຸນ, ເພດ, ວັນເດືອນປີເກີດ, ເບີໂທ, ອີເມວ, ທີ່ຢູ່.
3. 3ຂັ້ນ 2 · ວຽກ — ພະແນກ, ຕໍາແໜ່ງ, ສາຂາ, ວັນເລີ່ມວຽກ, ຕາຕະລາງເວລາ, ໂໝດສະຖານທີ່ເຂົ້າວຽກ (ໃນເຂດ / ໄດ້ທຸກບ່ອນ).
4. 4ຂັ້ນ 3 · ຄ່າຕອບແທນ — ເງິນເດືອນພື້ນຖານ, ສະກຸນເງິນ, ເງິນອຸດໜູນປະຈໍາ.
5. 5ຂັ້ນ 4 · HR — ລະຫັດຜ່ານເຂົ້າລະບົບ, PIN 6 ຕົວເລກ, ສະຖານະໃຊ້ງານ.
6. 6ກົດ ບັນທຶກ. ພະນັກງານຈະເຂົ້າ /staff ໄດ້ທັນທີ.

ນໍາເຂົ້າຫຼາຍຄົນພ້ອມກັນ

1. 1ດາວໂຫຼດແບບຟອມຕົວຢ່າງຈາກປຸ່ມສົ່ງອອກໃນໜ້ານີ້ (ໄຟລ໌ CSV).
2. 2ຕື່ມຂໍ້ມູນຕາມຫົວຖັນເດີມ — ຢ່າປ່ຽນ ຫຼື ຈັດລໍາດັບຫົວຖັນໃໝ່.
3. 3ບັນທຶກເປັນ CSV ແບບ UTF-8 ເພື່ອບໍ່ໃຫ້ຕົວອັກສອນລາວເພື້ອນ.
4. 4ອັບໂຫຼດຄືນ ແລ້ວກວດຕາຕະລາງກ່ອນຢືນຢັນ.

/admin/departments ໃຊ້ສ້າງ ແລະ ແກ້ໄຂພະແນກ. /admin/org ສະແດງເປັນຜັງຕົ້ນໄມ້ ແລະ ໃຊ້ກໍານົດຫົວໜ້າຂອງແຕ່ລະພະແນກ.

1. 1ສ້າງພະແນກລະດັບເທິງກ່ອນ (ຄະນະອໍານວຍການ) ແລ້ວຈຶ່ງສ້າງພະແນກຍ່ອຍ ໂດຍເລືອກ “ຂຶ້ນກັບ” ເປັນພະແນກແມ່.
2. 2ໄປ /admin/org ແລ້ວກໍານົດ ຫົວໜ້າ ຂອງແຕ່ລະພະແນກຈາກລາຍຊື່ພະນັກງານ.
3. 3ກົດ ບັນທຶກຫົວໜ້າພະແນກ.

ຜັງນີ້ຖືກໃຊ້ຕໍ່ໃນຫຼາຍບ່ອນ ຈຶ່ງຕ້ອງຖືກຕ້ອງ:

• ຂັ້ນຕອນອະນຸມັດລາພັກ ແລະ ໃບເບີກຈ່າຍ ວິ່ງຫາຫົວໜ້າຕາມສາຍນີ້
• ໃບຢັ້ງຢືນຂໍ້ມູນລາຍພະແນກ (/roadmap/verify) ພິມຕາມລໍາດັບຂອງຜັງນີ້
• ຫ້ອງຂໍ້ມູນພະແນກ (/roadmap/dept) ຕັດສິນວ່າພະນັກງານຄົນໃດເປັນຂອງພະແນກໃດ ໂດຍໄລ່ຂຶ້ນຕາມສາຍນີ້

1. 1ກົດ + ເພີ່ມຕໍາແໜ່ງ ໃສ່ຊື່ຕໍາແໜ່ງ ແລະ ຂັ້ນ (level). ຂັ້ນເລກນ້ອຍ = ອໍານາດສູງກວ່າ.
2. 2ໃນຕາຕະລາງສິດ ຕິກໃຫ້ແຕ່ລະຕໍາແໜ່ງວ່າ ອ່ານ ຫຼື ບັນທຶກ ໂມດູນໃດໄດ້ແດ່.
3. 3ກົດ ບັນທຶກສິດ.
4. 4ທົດສອບ: ເຂົ້າ /staff ດ້ວຍບັນຊີພະນັກງານທີ່ຢູ່ຕໍາແໜ່ງນັ້ນ ແລ້ວກວດເມນູ.

ໜ້ານີ້ເປັນຕາຕະລາງຕິກ: ແຖວຄືເມນູ, ຖັນຄື admin / manager / board. ຕິກ = ບົດບາດນັ້ນເຫັນ ແລະ ເປີດເມນູນັ້ນໄດ້.

1. 1ຕິກ ຫຼື ຖອນຕິກຕາມທີ່ຕ້ອງການ.
2. 2ກົດ ບັນທຶກ.
3. 3ທົດສອບໂດຍເຂົ້າດ້ວຍບັນຊີບົດບາດນັ້ນ.
4. 4ຢາກກັບໄປຄ່າມາດຕະຖານ ໃຫ້ກົດ ຕັ້ງຄືນຄ່າເລີ່ມຕົ້ນ.

ການບັງຄັບໃຊ້ເກີດ 4 ບ່ອນພ້ອມກັນ: ເມນູຂ້າງ, ແຖບດ່ວນ, ການເປີດ URL ໂດຍກົງ ແລະ ບັດທາງລັດຢູ່ໜ້າຫຼັກ. ປິດແລ້ວແມ່ນປິດຈິງ ບໍ່ແມ່ນພຽງເຊື່ອງເມນູ.

ໃຊ້ໃນກໍລະນີຍົກເວັ້ນ ເຊັ່ນ: ພະນັກງານໜຶ່ງຄົນໃນພະແນກສໍາຫຼວດຖືກມອບໝາຍໃຫ້ຄຸ້ມຄອງເຄື່ອງມື ຈຶ່ງຕ້ອງເຫັນເມນູຊັບສິນ ໃນຂະນະທີ່ຄົນອື່ນຕໍາແໜ່ງດຽວກັນບໍ່ຕ້ອງເຫັນ.

1. 1ເລືອກເມນູທີ່ຕ້ອງການ.
2. 2ຕິກຊື່ພະນັກງານທີ່ຈະໃຫ້ເຫັນເມນູນັ້ນ.
3. 3ກົດບັນທຶກ.

1. 1ກົດ + ເພີ່ມສາຂາ ໃສ່ຊື່, ທີ່ຢູ່, ເບີໂທ.
2. 2ບັນທຶກ.
3. 3ຜູກພະນັກງານກັບສາຂາໃນຂັ້ນ “ວຽກ” ຂອງແບບຟອມພະນັກງານ.
4. 4ຜູກເຂດ GPS ຫຼື ຈຸດ QR ກັບສາຂາ ຢູ່ໃນໜ້າຂອງໂມດູນນັ້ນ.

ທຸກວິທີບັນທຶກລົງຕາຕະລາງດຽວກັນ ຈຶ່ງເບິ່ງລວມກັນໄດ້ທີ່ /admin/attendance ແລະ ອອກລາຍງານດຽວກັນ.

1. 1ໄປ /admin/location › ກົດ + ເພີ່ມເຂດ.
2. 2ຢືນຢູ່ບ່ອນນັ້ນຈິງ ແລ້ວກົດ ໃຊ້ຕໍາແໜ່ງຂອງຂ້ອຍ — ແມ່ນຍໍາກວ່າການພິມພິກັດເອງ.
3. 3ຕັ້ງ ລັດສະໝີ 100–150 ແມັດ ສໍາລັບຫ້ອງການ.
4. 4ຜູກເຂດກັບສາຂາ ຫຼື ຕິກ “ທຸກສາຂາ” ຖ້າໃຊ້ຮ່ວມກັນ.
5. 5ໝາຍເຂດຫຼັກເປັນ ເຂດເລີ່ມຕົ້ນ ແລ້ວບັນທຶກ.
6. 6ຕັ້ງຄ່າກາງ: ຄວາມຄາດເຄື່ອນສູງສຸດ 150 ແມັດ · ໄລຍະຫ່າງລະຫວ່າງການບັນທຶກ 5 ນາທີ · ຈໍາກັດຕາມຕາຕະລາງເວລາ ເປີດ · ອະນຸຍາດບັນທຶກນອກເຂດ ປິດ.
7. 7ຄົນລົງປະຈໍາການ: ໄປ /admin/employees › ແກ້ໄຂ › ຂັ້ນ “ວຽກ” › ຕັ້ງໂໝດສະຖານທີ່ເປັນ ໄດ້ທຸກບ່ອນ (ສະໜາມ) ເປັນລາຍຄົນ.

1. 1ເປີດ ltec.onemiracles.com ໃນໂທລະສັບ ແລ້ວເຂົ້າລະບົບທີ່ /staff.
2. 2ກົດປຸ່ມ ບັນທຶກເຂົ້າ-ອອກ (ມີຢູ່ທຸກໜ້າ ທັງແຖບລຸ່ມ ແລະ ເມນູ).
3. 3ອະນຸຍາດໃຫ້ເວັບເຂົ້າເຖິງຕໍາແໜ່ງເມື່ອຖືກຖາມ — ຄັ້ງທໍາອິດເທົ່ານັ້ນ.
4. 4ລໍໃຫ້ຂຶ້ນຊື່ເຂດ ແລະ ໄລຍະຫ່າງ ແລ້ວກົດ ເຂົ້າວຽກ ຫຼື ອອກວຽກ.

ປຸ່ມກົດບໍ່ໄດ້ ໝາຍຄວາມວ່າແນວໃດ — ໃຕ້ປຸ່ມຈະມີຂໍ້ຄວາມບອກສາເຫດສະເໝີ:

ຫ້າກໍລະນີຍົກເວັ້ນ ແລະ ວິທີປະຕິບັດ

1. 1ໄປ /admin/qr-codes › ກົດ + ເພີ່ມຈຸດ ໃສ່ຊື່ຈຸດ ແລະ ຜູກກັບສາຂາ.
2. 2ບັນທຶກ ແລ້ວກົດພິມປ້າຍ QR ນໍາໄປຕິດຢູ່ຈຸດນັ້ນ.
3. 3ພະນັກງານເປີດ /employee/qr-scan ແລ້ວແນມກ້ອງໃສ່ປ້າຍ ລະບົບຈະບັນທຶກໃຫ້ເອງ.
4. 4ຢຸດໃຊ້ຈຸດໃດຊົ່ວຄາວ ໃຫ້ກົດປຸ່ມເປີດ-ປິດຢູ່ແຖວນັ້ນ.

1. 1ໄປ /admin/devices › ເພີ່ມເຄື່ອງ ໃສ່ຊື່, ໝາຍເລກເຄື່ອງ (SN) ແລະ ສາຂາ.
2. 2ຕັ້ງໃຫ້ເຄື່ອງສົ່ງຂໍ້ມູນມາທີ່ເຊີບເວີຕາມຄູ່ມືຂອງເຄື່ອງ.
3. 3ກວດວ່າມີຂໍ້ມູນເຂົ້າມາທີ່ /admin/attendance.

ນໍາເຂົ້າຂໍ້ມູນຍ້ອນຫຼັງ — ໃຊ້ເມື່ອຍ້າຍຈາກລະບົບເກົ່າ ຫຼື ເຄື່ອງຂາດການເຊື່ອມຕໍ່ໄລຍະໜຶ່ງ:

1. 1ໄປ /admin/attendance-import.
2. 2ດຶງໄຟລ໌ອອກຈາກເຄື່ອງເປັນ CSV ຫຼື Excel.
3. 3ອັບໂຫຼດ ແລ້ວຈັບຄູ່ຫົວຖັນກັບຊ່ອງຂອງລະບົບ.
4. 4ກວດຕົວຢ່າງແຖວທໍາອິດໃຫ້ຖືກຕ້ອງ ແລ້ວຈຶ່ງຢືນຢັນນໍາເຂົ້າ.

ຕາຕະລາງເວລາ ເປັນຕົວກໍານົດວ່າຄົນມາຊ້າ ຫຼື ບໍ່ ແລະ ຊົ່ວໂມງເກີນເວລາເລີ່ມນັບແຕ່ໃສ. ຖ້າບໍ່ຕັ້ງ ລະບົບຈະນັບບໍ່ໄດ້.

1. 1ໄປ /admin/schedules › ກົດ + ເພີ່ມຕາຕະລາງ.
2. 2ໃສ່ຊື່ (ເຊັ່ນ “ຫ້ອງການ 08:00–17:00”), ເວລາເຂົ້າ, ເວລາອອກ, ເວລາພັກທ່ຽງ, ວັນເຮັດວຽກໃນອາທິດ ແລະ ຜ່ອນຜັນມາຊ້າໄດ້ກີ່ນາທີ.
3. 3ບັນທຶກ ແລ້ວຜູກຕາຕະລາງກັບພະນັກງານໃນຂັ້ນ “ວຽກ” ຂອງແບບຟອມພະນັກງານ.
4. 4ໃນໜ້າດຽວກັນ ເພີ່ມ ວັນພັກລັດຖະການ ຂອງທັງປີ — ວັນທີ່ລົງໄວ້ຈະບໍ່ຖືກນັບເປັນຂາດວຽກ.

ຕາຕະລາງຜຼັດ (Roster) ທີ່ /admin/roster ໃຊ້ກັບໜ່ວຍງານທີ່ຜຼັດປ່ຽນກັນ ເຊັ່ນ ຍາມ ຫຼື ຄົນຂັບລົດ:

1. 1ເລືອກອາທິດທີ່ຕ້ອງການ.
2. 2ກໍານົດຜຼັດໃຫ້ແຕ່ລະຄົນເທື່ອລະຊ່ອງ ຫຼື ໃຊ້ ກໍານົດເປັນຊຸດ ເພື່ອລົງທີເປັນກຸ່ມ.
3. 3ກົດ ເຜີຍແຜ່ອາທິດນີ້ — ພະນັກງານຈຶ່ງຈະເຫັນຢູ່ /employee/roster.

ໜ້ານີ້ລວມການບັນທຶກຈາກທຸກວິທີ. ກັ່ນຕອງໄດ້ຕາມ ວັນທີ · ພະແນກ · ສາຂາ · ພະນັກງານ ແລະ ສະຖານະ.

1. 1ເລືອກຊ່ວງວັນທີ ແລະ ຕົວກັ່ນຕອງ.
2. 2ກົດແຖວທີ່ຕ້ອງການເພື່ອເປີດລາຍລະອຽດ — ຈະເຫັນເວລາ, ວິທີບັນທຶກ ແລະ ຕໍາແໜ່ງທີ່ບັນທຶກ.
3. 3ແກ້ໄຂເວລາໄດ້ພ້ອມ ໃສ່ໝາຍເຫດສະເໝີ ວ່າແກ້ຍ້ອນຫຍັງ ແລະ ໃຜອະນຸມັດ.
4. 4ກົດສົ່ງອອກເພື່ອເອົາເປັນໄຟລ໌ໄປໃຊ້ຕໍ່.

ຝັ່ງພະນັກງານ — /employee/leave

1. 1ກົດ + ຂໍລາພັກ.
2. 2ເລືອກປະເພດ (ລາພັກປະຈໍາປີ · ລາເຈັບ · ລາກິດ ຫຼື ປະເພດອື່ນທີ່ຕັ້ງໄວ້).
3. 3ເລືອກວັນທີ່ເລີ່ມ ແລະ ວັນທີ່ສິ້ນສຸດ — ລະບົບຄິດຈໍານວນວັນໃຫ້ເອງ ໂດຍຫັກວັນພັກລັດຖະການອອກ.
4. 4ໃສ່ເຫດຜົນ ແລະ ແນບໃບຢັ້ງຢືນແພດຖ້າເປັນລາເຈັບ.
5. 5ກົດສົ່ງ ແລ້ວຕິດຕາມສະຖານະໃນໜ້າດຽວກັນ.

ຝັ່ງຫົວໜ້າ ແລະ ຝ່າຍບຸກຄະລາກອນ — /admin/leave

1. 1ເປີດໜ້າ ຈະເຫັນໃບຄໍາຂໍທີ່ລໍຖ້າຢູ່ເທິງສຸດ.
2. 2ກົດໃບຄໍາຂໍເພື່ອເບິ່ງເຫດຜົນ, ວັນທີ, ໄຟລ໌ແນບ ແລະ ວັນລາທີ່ຍັງເຫຼືອຂອງຄົນນັ້ນ.
3. 3ກົດ ອະນຸມັດ ຫຼື ບໍ່ອະນຸມັດ ພ້ອມໃສ່ເຫດຜົນ.
4. 4ເມື່ອອະນຸມັດແລ້ວ ວັນລາຈະຫັກອອກຈາກສິດ ແລະ ວັນນັ້ນຈະບໍ່ຖືກນັບເປັນຂາດວຽກໃນລາຍງານ.

1. 1ເລືອກ ເດືອນ ທີ່ຈະຄິດໄລ່ ຢູ່ເທິງໜ້າ.
2. 2ລະບົບດຶງເງິນເດືອນພື້ນຖານ ແລະ ຂໍ້ມູນເຂົ້າ-ອອກມາຄິດໃຫ້ເອງ.
3. 3ແຖບ ເງິນເພີ່ມ — ໃສ່ເງິນອຸດໜູນ, ໂບນັດ, ຄ່າເກີນເວລາ ທີ່ຕ້ອງເພີ່ມໃນເດືອນນີ້.
4. 4ແຖບ ເງິນຫັກ — ໃສ່ລາຍການຫັກ ເຊັ່ນ ປະກັນສັງຄົມ, ພາສີ, ຄ່າປັບໃໝ.
5. 5ແຖບ ເບີກລ່ວງໜ້າ ແລະ ເງິນກູ້ — ອະນຸມັດ ຫຼື ໝາຍວ່າຫັກແລ້ວ.
6. 6ກວດຕົວເລກລາຍຄົນໃນຕາຕະລາງ.
7. 7ກົດ ອະນຸມັດ ລາຍຄົນ ຫຼື ອະນຸມັດທັງໝົດ.
8. 8ເມື່ອຈ່າຍເງິນຕົວຈິງແລ້ວ ໃຫ້ໝາຍ ຈ່າຍແລ້ວ ລາຍຄົນ ຫຼື ທັງໝົດ.
9. 9ກົດ ປິດງວດ ເພື່ອລັອກເດືອນນັ້ນ.

ເມື່ອອະນຸມັດແລ້ວ ພະນັກງານຈະເຫັນ ໃບເງິນເດືອນ ຂອງຕົນເອງທີ່ /employee/payroll ແລະ ພິມເປັນ PDF ໄດ້.

ຕັ້ງໝວດກ່ອນ ເພາະໝວດເປັນຕົວກໍານົດຄໍານໍາໜ້າຂອງລະຫັດຊັບສິນ ແລະ ຮອບການສອບທຽບ:

1. 1ໄປ /admin/assets/categories › + ເພີ່ມໝວດ.
2. 2ໃສ່ຊື່ໝວດ (ເຊັ່ນ ກ້ອງລະດັບ, ເຄື່ອງທົດລອງດິນ, ຍານພາຫະນະ, ຄອມພິວເຕີ).
3. 3ໃສ່ ຮອບການສອບທຽບເປັນເດືອນ — ເຄື່ອງມືວັດແທກມັກຈະເປັນ 12 ເດືອນ. ໃສ່ 0 ຖ້າບໍ່ຕ້ອງສອບທຽບ.
4. 4ບັນທຶກ.

1. 1ໄປ /admin/assets › ກົດ + ເພີ່ມຊັບສິນ.
2. 2ໃສ່: ຊື່ເຄື່ອງ · ໝວດ · ຍີ່ຫໍ້ / ລຸ້ນ · ໝາຍເລກເຄື່ອງ (Serial) · ວັນທີ່ຊື້ · ມູນຄ່າ · ອາຍຸການໃຊ້ງານເປັນປີ · ບ່ອນເກັບ.
3. 3ເລືອກ ສະພາບ: ດີ · ໃຊ້ໄດ້ · ຊຸດໂຊມ · ເສຍ.
4. 4ບັນທຶກ — ລະບົບອອກລະຫັດ ແລະ ສ້າງລິ້ງ QR ໃຫ້ເອງ.
5. 5ເປີດຊັບສິນນັ້ນ ແລ້ວແນບຮູບຖ່າຍ, ໃບຮັບປະກັນ ແລະ ໃບຮັບຮອງການສອບທຽບຫຼ້າສຸດ.
6. 6ໄປ /admin/assets/labels ເລືອກລາຍການ ແລ້ວກົດພິມ ນໍາໄປຕິດເຄື່ອງ.

ກ. ຢືມທີ່ຫ້ອງການ (ຜູ້ຄຸ້ມຄອງເປັນຄົນເຮັດ)

1. 1ໄປ /admin/assets ຄົ້ນຫາເຄື່ອງ ແລ້ວກົດ ໃຫ້ຢືມ.
2. 2ເລືອກຜູ້ຮັບຜິດຊອບ, ໃສ່ບ່ອນທີ່ຈະນໍາໄປໃຊ້, ໂຄງການ ແລະ ວັນທີ່ຕ້ອງສົ່ງຄືນ.
3. 3ບັນທຶກ — ສະຖານະປ່ຽນເປັນ “ນໍາໃຊ້ໜ້າສະໜາມ”.
4. 4ພິມ ໃບຢືມ ໃຫ້ຜູ້ຢືມເຊັນຮັບ.

ຂ. ຂໍຢືມຈາກສະຖານທີ່ຈິງ (ພະນັກງານສະແກນເອງ)

1. 1ພະນັກງານໃຊ້ໂທລະສັບສະແກນ QR ຢູ່ຕົວເຄື່ອງ.
2. 2ໜ້າຈໍຂຶ້ນຂໍ້ມູນເຄື່ອງ — ກົດ ຂໍຢືມ ໃສ່ຈຸດປະສົງ ແລະ ວັນທີ່ຈະສົ່ງຄືນ.
3. 3ຜູ້ຄຸ້ມຄອງເຫັນຄໍາຂໍຢູ່ /admin/assets ແລ້ວກົດ ອະນຸມັດ ຫຼື ບໍ່ອະນຸມັດ.
4. 4ເມື່ອອະນຸມັດ ລະບົບຈຶ່ງບັນທຶກການໃຫ້ຢືມ.

ຄ. ສົ່ງຄືນ

1. 1ກົດ ຮັບຄືນ ຢູ່ແຖວຂອງເຄື່ອງນັ້ນ (ຫຼື ສະແກນ QR ແລ້ວກົດຮັບຄືນ).
2. 2ບັນທຶກສະພາບເມື່ອຮັບຄືນ ແລະ ຄວາມເສຍຫາຍຖ້າມີ ພ້ອມແນບຮູບ.
3. 3ບັນທຶກ — ສະຖານະກັບເປັນ “ຢູ່ໃນສາງ”.

ໜ້ານີ້ສະແດງ 3 ກຸ່ມ: ເລີຍກໍານົດ · ໃກ້ຮອດກໍານົດ (ພາຍໃນ 30 ວັນ) · ວຽກທີ່ກໍາລັງດໍາເນີນ.

1. 1ກົດ + ເປີດວຽກ ຫຼື ກົດຈາກລາຍການທີ່ໃກ້ຮອດກໍານົດ.
2. 2ເລືອກປະເພດ: ບໍາລຸງຮັກສາຕາມແຜນ · ສອບທຽບ · ສ້ອມແປງ · ກວດກາສະພາບ.
3. 3ໃສ່ຜູ້ໃຫ້ບໍລິການ, ວັນທີ່ກໍານົດ ແລະ ຄ່າໃຊ້ຈ່າຍປະມານ.
4. 4ເມື່ອສົ່ງເຄື່ອງອອກໄປ ໃຫ້ປ່ຽນສະຖານະຊັບສິນເປັນ “ສົ່ງສອບທຽບ” ຫຼື “ສ້ອມແປງ/ບໍາລຸງ”.
5. 5ເມື່ອເຮັດແລ້ວ ກົດ ບັນທຶກຜົນ ໃສ່ວັນທີ່ແລ້ວເສັດ, ຄ່າໃຊ້ຈ່າຍຈິງ, ຜົນ ແລະ ແນບໃບຮັບຮອງການສອບທຽບ.
6. 6ບັນທຶກ — ລະບົບຈະ ເປີດຮອບຕໍ່ໄປໃຫ້ອັດຕະໂນມັດ ຕາມຮອບເປັນເດືອນຂອງໝວດນັ້ນ.

1. 1ໄປ /admin/assets/audits › ກົດ + ເປີດຮອບນັບກວດ ໃສ່ຊື່ຮອບ ແລະ ຊ່ວງວັນທີ.
2. 2ຄະນະນັບກວດເດີນນັບ ໂດຍ ສະແກນ QR ຂອງແຕ່ລະເຄື່ອງ — ການສະແກນຈະນັບເປັນ “ພົບ” ໃຫ້ເອງ.
3. 3ເຄື່ອງທີ່ຫາບໍ່ພົບ ຫຼື ພົບແຕ່ເສຍຫາຍ ໃຫ້ບັນທຶກໃນລະບົບພ້ອມໝາຍເຫດ ແລະ ຮູບຖ່າຍ.
4. 4ຕິດຕາມຄວາມຄືບໜ້າໃນໜ້ານີ້ — ຈະບອກວ່ານັບໄປແລ້ວກີ່ອັນ ຍັງເຫຼືອກີ່ອັນ.
5. 5ນັບຄົບແລ້ວ ກົດ ປິດຮອບ ພ້ອມໃສ່ໝາຍເຫດອະທິບາຍທຸກລາຍການທີ່ຜິດປົກກະຕິ.
6. 6ພິມບົດລາຍງານຜົນຕ່າງເປັນ PDF ສະເໜີຜູ້ບໍລິຫານ.

• ມູນຄ່າ ແລະ ຄ່າເສື່ອມ — ຄິດແບບເສັ້ນຊື່ຈາກ ມູນຄ່າຊື້ ແລະ ອາຍຸການໃຊ້ງານ ໃຫ້ມູນຄ່າຄົງເຫຼືອປັດຈຸບັນລາຍເຄື່ອງ ແລະ ລວມຕາມໝວດ
• ການເຄື່ອນໄຫວ — ທຸກການຢືມ, ຄືນ, ສ້ອມແປງ, ຍ້າຍບ່ອນ ຕາມລໍາດັບເວລາ
• ຊ່ອງຫວ່າງການນັບກວດ — ເຄື່ອງທີ່ບໍ່ມີການເຄື່ອນໄຫວເລີຍໃນຊ່ວງທີ່ກໍານົດ ຄືເຄື່ອງທີ່ຄວນໄປກວດເບິ່ງດ້ວຍຕາ
• ຕາມຜູ້ຮັບຜິດຊອບ — ໃຜຖືເຄື່ອງຫຍັງຢູ່ ໃຊ້ຕອນຄົນຍ້າຍໜ້າວຽກ ຫຼື ອອກວຽກ

1. 1ໄປ /admin/documents › ກົດ + ເພີ່ມເອກະສານ.
2. 2ເລືອກ ປະເພດ: ຂາເຂົ້າ · ຂາອອກ · ພາຍໃນ.
3. 3ໃສ່ຫົວຂໍ້, ເລກທີ, ວັນທີ່ເອກະສານ, ຜູ້ສົ່ງ / ອົງກອນຜູ້ສົ່ງ ແລະ ພະແນກຜູ້ຮັບ.
4. 4ເລືອກ ຄວາມສໍາຄັນ: ຕໍ່າ · ປົກກະຕິ · ສູງ · ດ່ວນ.
5. 5ແນບໄຟລ໌ສະແກນ ແລະ ເລືອກໂຟນເດີຈັດເກັບ.
6. 6ບັນທຶກເປັນ ຮ່າງ ຖ້າຍັງບໍ່ຄົບ ຫຼື ເລືອກ ສົ່ງອະນຸມັດ ຖ້າພ້ອມແລ້ວ.
7. 7ຜູ້ມີສິດອະນຸມັດເປີດເອກະສານ ແລ້ວກົດອະນຸມັດ ຫຼື ບໍ່ອະນຸມັດ ພ້ອມຄໍາເຫັນ.

ໂມດູນນີ້ຕ່າງຈາກ “ເອກະສານຂາເຂົ້າ-ຂາອອກ” ຢ່າງສິ້ນເຊີງ. ມັນຕອບຄໍາຖາມທີ່ຜູ້ກວດສອບພາຍນອກຖາມ: ສະບັບໃດຄືສະບັບທີ່ໃຊ້ຢູ່ໃນປັດຈຸບັນ, ຜູ້ໃດຮັບຮອງ, ມີຜົນຕັ້ງແຕ່ເມື່ອໃດ, ຈະທົບທວນເມື່ອໃດ ແລະ ໃຜໄດ້ຮັບຮູ້ແລ້ວແດ່.

ປະເພດ ແລະ ລະຫັດເອກະສານ — ລະບົບອອກລະຫັດໃຫ້ເອງ ໂດຍນັບແຍກຕາມແຕ່ລະປະເພດ:

ວົງຈອນຂອງເອກະສານໜຶ່ງສະບັບ

1. 1ສ້າງເອກະສານ — /admin/iso-documents › + ເພີ່ມ: ຊື່, ປະເພດ, ພະແນກເຈົ້າຂອງ, ຜູ້ຮັບຜິດຊອບ, ຂໍ້ກໍານົດ ISO ທີ່ກ່ຽວຂ້ອງ ແລະ ຮອບການທົບທວນເປັນເດືອນ.
2. 2ອອກສະບັບຮ່າງ — ກົດ “ອອກສະບັບໃໝ່” ໃສ່ເລກສະບັບປັບປຸງ ແລະ ແນບໄຟລ໌ ຂອງສະບັບນັ້ນ.
3. 3ບັນທຶກການທົບທວນ — ຜູ້ທົບທວນອ່ານ ແລ້ວບັນທຶກຜົນການທົບທວນພ້ອມຄໍາເຫັນ.
4. 4ຮັບຮອງ — ຜູ້ມີສິດກົດຮັບຮອງ ພ້ອມລະບຸວັນທີ່ມີຜົນບັງຄັບໃຊ້.
5. 5ແຈກຢາຍ — ກໍານົດວ່າແຈກໃຫ້ພະແນກໃດແດ່ (ຫວ່າງໄວ້ = ທັງອົງກອນ).
6. 6ພະນັກງານຮັບຮູ້ — ພະນັກງານເປີດ /employee/iso-documents ອ່ານ ແລ້ວກົດ “ຮັບຮູ້ແລ້ວ”.
7. 7ທົບທວນຕາມຮອບ — ເມື່ອຮອດກໍານົດ ເອກະສານຈະຂຶ້ນຢູ່ /admin/iso-documents/reviews.

ກົດ 4 ຂໍ້ທີ່ລະບົບບັງຄັບໃຫ້ ແລະ ຫ້າມຂ້າມ

• ການຮັບຮອງສະບັບໃໝ່ຈະ ຍົກເລີກສະບັບເກົ່າ, ລົງວັນທີ່ມີຜົນ ແລະ ຄິດວັນທົບທວນຄັ້ງຕໍ່ໄປ ໃນຄັ້ງດຽວກັນ. ທະບຽນຈຶ່ງບໍ່ມີວັນຊີ້ໄປສະບັບທີ່ຖືກແທນແລ້ວ.
• ເອກະສານໜຶ່ງສະບັບ ມີສະບັບຮ່າງທີ່ຍັງບໍ່ຮັບຮອງໄດ້ ພຽງອັນດຽວ ໃນເວລາດຽວກັນ.
• ຮັບຮອງໂດຍບໍ່ມີການບັນທຶກທົບທວນກ່ອນບໍ່ໄດ້ ແລະ ບັນທຶກທົບທວນໂດຍບໍ່ແນບໄຟລ໌ບໍ່ໄດ້.
• ພະນັກງານດາວໂຫຼດໄດ້ສະເພາະ ສະບັບທີ່ໃຊ້ຢູ່ປັດຈຸບັນ. ເອກະສານທີ່ເຄີຍໃຊ້ແລ້ວຈະຖືກໝາຍວ່າຍົກເລີກ — ບໍ່ເຄີຍຖືກລຶບ.

ກະດານຂໍ້ກໍານົດ — /admin/iso-documents/clauses ສະແດງຂໍ້ກໍານົດ ISO 9001 ຂໍ້ 4 ຫາ 10 ແລ້ວບອກວ່າຂໍ້ໃດຍັງບໍ່ມີເອກະສານຮອງຮັບ. ນັບສະເພາະຂໍ້ທີ່ຕ້ອງມີເອກະສານຈິງ.

1. 1ໄປ /admin/contracts › + ເພີ່ມສັນຍາ.
2. 2ໃສ່ເລກທີ່ສັນຍາ, ຫົວຂໍ້, ຄູ່ສັນຍາ, ມູນຄ່າ, ວັນທີ່ເລີ່ມ ແລະ ວັນທີ່ໝົດອາຍຸ.
3. 3ຜູກກັບພະນັກງານ (ສັນຍາຈ້າງງານ) ຫຼື ໂຄງການ (ສັນຍາໂຄງການ).
4. 4ແນບໄຟລ໌ສະແກນສັນຍາທີ່ເຊັນແລ້ວ.
5. 5ບັນທຶກ — ສັນຍາທີ່ໃກ້ໝົດອາຍຸຈະຂຶ້ນເຕືອນຢູ່ໜ້ານີ້ໂດຍອັດຕະໂນມັດ.

ພະນັກງານເບິ່ງສັນຍາຂອງຕົນເອງໄດ້ທີ່ /employee/contracts ແລະ ດາວໂຫຼດໄດ້ ໂດຍບໍ່ຕ້ອງມາຂໍສໍາເນົາຈາກຝ່າຍບຸກຄະລາກອນ.

1. 1ໄປ /admin/announcements › + ສ້າງປະກາດ.
2. 2ໃສ່ຫົວຂໍ້ ແລະ ເນື້ອໃນ ພ້ອມແນບໄຟລ໌ຖ້າມີ.
3. 3ເລືອກກຸ່ມຜູ້ຮັບ — ທັງອົງກອນ ຫຼື ສະເພາະບາງພະແນກ.
4. 4ກົດ ປັກໝຸດ ຖ້າຢາກໃຫ້ຄ້າງຢູ່ເທິງສຸດ.
5. 5ກົດ ສົ່ງແຈ້ງເຕືອນ ເພື່ອສົ່ງເຂົ້າໂທລະສັບຂອງພະນັກງານ.

ພະນັກງານເຫັນຢູ່ /employee/notifications ແລະ ຢູ່ໜ້າຫຼັກ. ລະບົບບັນທຶກວ່າໃຜອ່ານແລ້ວແດ່.

ໂມດູນງົບປະມານ ບໍ່ເຄີຍເກັບຕົວເລກ “ໃຊ້ໄປແລ້ວ” ໄວ້ເອງ. ທຸກຄັ້ງທີ່ເປີດໜ້າຕິດຕາມງົບ ລະບົບຈະໄປອ່ານໃບເບີກຈ່າຍຈິງມາລວມສົດໆ:

ຜົນທີ່ໄດ້ຄື ຕົວເລກງົບປະມານກັບບັນຊີລາຍຈ່າຍບໍ່ມີວັນຄາດເຄື່ອນກັນ. ບໍ່ຕ້ອງມີໃຜມາປັບຍອດໃຫ້ກົງກັນ.

1. 1ໄປ /admin/budgets › ກົດ + ສ້າງແຜນງົບ.
2. 2ເລືອກ ຂອບເຂດ: ທັງບໍລິສັດ · ພະແນກ · ໂຄງການ.
3. 3ເລືອກປີ ແລະ ຮອບເວລາ (ທັງປີ · ໄຕມາດ · ເດືອນ).
4. 4ເພີ່ມ ລາຍການງົບ ເທື່ອລະແຖວ: ໝວດ · ຄໍາອະທິບາຍ · ຈໍານວນ · ລາຄາຕໍ່ໜ່ວຍ. ລະບົບລວມຍອດໃຫ້ເອງ.
5. 5ບັນທຶກເປັນ ຮ່າງ ໄວ້ກ່ອນໄດ້ — ຮ່າງແກ້ໄດ້ຢ່າງອິດສະຫຼະ.
6. 6ພ້ອມແລ້ວກົດ ສົ່ງອະນຸມັດ — ລະບົບສ້າງຂັ້ນຕອນອະນຸມັດໃຫ້ຕາມມູນຄ່າ.
7. 7ຜູ້ອະນຸມັດແຕ່ລະຂັ້ນເປີດ /admin/budgets/approvals ແລ້ວກົດອະນຸມັດ ຫຼື ບໍ່ອະນຸມັດ ພ້ອມຄໍາເຫັນ.
8. 8ຜ່ານຄົບທຸກຂັ້ນ = ສະຖານະ ກໍາລັງໃຊ້ງານ ແລະ ເລີ່ມຕັດງົບໄດ້.

ຂັ້ນຕອນອະນຸມັດຖືກສ້າງຕາມມູນຄ່າ (ຄ່າເລີ່ມຕົ້ນ ປັບໄດ້ທີ່ /admin/budgets/settings):

ໜ້າ /admin/budgets/track ສະແດງແຕ່ລະລາຍການງົບເປັນແຖບ: ງົບທີ່ຕັ້ງໄວ້ · ຜູກພັນ · ໃຊ້ຈິງ · ຄົງເຫຼືອ. ໃຊ້ເກີນ 80% ຈະຂຶ້ນສີເຕືອນ.

ຂໍປັບງົບ — /admin/budgets/changes

1. 1ກົດ + ໃບຂໍປັບງົບ.
2. 2ເລືອກປະເພດ: ຂໍເພີ່ມງົບ · ຄືນງົບ · ໂອນລະຫວ່າງລາຍການ.
3. 3ເລືອກລາຍການງົບ, ໃສ່ຈໍານວນ ແລະ ເຫດຜົນ.
4. 4ສົ່ງອະນຸມັດ — ໃບຂໍທີ່ເກີນ 10,000,000 ກີບ ຕ້ອງຜ່ານຜູ້ອຳນວຍການ.
5. 5ເມື່ອອະນຸມັດຄົບ ຈໍານວນເງິນຈະຖືກປັບເຂົ້າແຜນທັນທີ ພ້ອມເກັບປະຫວັດການປັບໄວ້.

ສີ່ປະເພດໃບຂໍເບີກ

ຂັ້ນຕອນ

1. 1ພະນັກງານໄປ /employee/expenses (ຫຼື ຝ່າຍການເງິນໄປ /admin/expenses) › + ສ້າງໃບເບີກ.
2. 2ເລືອກປະເພດ, ໃສ່ວັນທີ, ເຫດຜົນ ແລະ ຜູກກັບພະແນກ ຫຼື ໂຄງການ.
3. 3ເພີ່ມລາຍການເທື່ອລະແຖວ: ໝວດລາຍຈ່າຍ · ລາຍລະອຽດ · ຈໍານວນ · ລາຄາ · ອາກອນ. ລະບົບລວມຍອດໃຫ້ເອງ.
4. 4ແນບໃບບິນ ຫຼື ໃບຮັບເງິນ ທຸກລາຍການ.
5. 5ບັນທຶກເປັນຮ່າງ ຫຼື ກົດ ສົ່ງອະນຸມັດ.
6. 6ຜູ້ອະນຸມັດເປີດ /admin/expenses/approvals ກົດອະນຸມັດ ຫຼື ປະຕິເສດ ພ້ອມຄໍາເຫັນ.
7. 7ຜ່ານຄົບທຸກຂັ້ນ = ອະນຸມັດແລ້ວ. ເມື່ອຈ່າຍເງິນຕົວຈິງແລ້ວ ຝ່າຍການເງິນໝາຍເປັນ ຈ່າຍແລ້ວ.
8. 8ພິມ ໃບສໍາຄັນຈ່າຍ ຈາກປຸ່ມພິມ ເພື່ອເກັບເປັນເອກະສານປະກອບ.

1. 1ໄປ /admin/expenses/export ເລືອກຊ່ວງວັນທີ ແລະ ຕົວກັ່ນຕອງ.
2. 2ກົດ ເບິ່ງຕົວຢ່າງ ເພື່ອກວດລາຍການ ໜີ້/ມີ ກ່ອນ — ການເບິ່ງຕົວຢ່າງບໍ່ປ່ຽນແປງຫຍັງ.
3. 3ຖືກຕ້ອງແລ້ວກົດ ສ້າງຊຸດສົ່ງອອກ.
4. 4ດາວໂຫຼດໄຟລ໌ (journal.csv · detail.csv · data.json) ໄປນໍາເຂົ້າໂປຣແກຣມບັນຊີ.

ເລກບັນຊີແຍກປະເພດ (ເງິນສົດ, ທະນາຄານ, ເງິນສົດຍ່ອຍ, ເຈົ້າໜີ້, ອາກອນຊື້, ເງິນລ່ວງໜ້າ, ລາຍຈ່າຍ) ຕັ້ງໄດ້ທີ່ /admin/expenses/settings ໃຫ້ກົງກັບຜັງບັນຊີຂອງ ລ.ວ.ຄ.

1. 1ໄປ /admin/projects › + ສ້າງໂຄງການ.
2. 2ໃສ່ຊື່ໂຄງການ, ລະຫັດ, ເຈົ້າຂອງໂຄງການ (ລູກຄ້າ), ປະເພດ, ວັນເລີ່ມ-ວັນສິ້ນສຸດ ແລະ ງົບປະມານ.
3. 3ຕັ້ງ ຫຼັກໝາຍສໍາຄັນ (Milestone) ຂອງແຕ່ລະໄລຍະ ພ້ອມວັນທີ່ກໍານົດ.
4. 4ເພີ່ມສະມາຊິກທີມ ພ້ອມລະບຸບົດບາດໃນໂຄງການ.
5. 5ສ້າງວຽກຍ່ອຍ ມອບໝາຍໃຫ້ຄົນ ແລະ ໃສ່ວັນກໍານົດແລ້ວເສັດ.
6. 6ຜູ້ຮັບຜິດຊອບອັບເດດຄວາມຄືບໜ້າໂດຍລາກບັດຂ້າມຖັນ ຫຼື ປ່ຽນສະຖານະ.

ປະເພດໂຄງການຖືກຕັ້ງໄວ້ຕາມວຽກຈິງຂອງ ລ.ວ.ຄ ເຊັ່ນ ສໍາຫຼວດພູມສັນຖານ, ອອກແບບເສັ້ນທາງ ແລະ ຂົວ, ທົດລອງດິນ ແລະ ຄວບຄຸມການກໍ່ສ້າງ.

• ແຖບຄວາມຄືບໜ້າ ຂອງທຸກໂຄງການ ຈາກສະຖານະຂອງວຽກຍ່ອຍ
• ແຜນວາດເວລາ ວາງໄລຍະຂອງແຕ່ລະໂຄງການລຽງກັນ ເຫັນການທັບຊ້ອນຂອງຊັບພະຍາກອນ
• ງົບ ທຽບ ລາຍຈ່າຍຕົວຈິງ ດຶງມາຈາກໃບເບີກຈ່າຍທີ່ອະນຸມັດແລ້ວ
• ທີມງານ ໃຜຢູ່ໂຄງການໃດແດ່ ແລະ ໃຜຮັບຫຼາຍໂຄງການພ້ອມກັນ
• ເຄື່ອງມືທີ່ໃຊ້ ຊັບສິນທີ່ຢືມໄປໃນນາມໂຄງການນັ້ນ

ໜ້າ /admin/projects/control ໃຊ້ຕັ້ງຂໍ້ມູນເພີ່ມເຕີມຂອງແຕ່ລະໂຄງການ ເຊັ່ນ ປະເພດ, ເຈົ້າຂອງໂຄງການ ແລະ ງົບປະມານ ໂດຍບໍ່ຕ້ອງເປີດແຕ່ລະໂຄງການ.

1. 1ໄປ /admin/kpi ແລ້ວກໍານົດຫົວຂໍ້ປະເມີນ ພ້ອມນໍ້າໜັກຄະແນນຂອງແຕ່ລະຫົວຂໍ້.
2. 2ຜູກຫົວຂໍ້ກັບຕໍາແໜ່ງ ຫຼື ພະແນກ.
3. 3ເມື່ອຮອດຮອບປະເມີນ ຫົວໜ້າໃສ່ຄະແນນ ພ້ອມຄໍາເຫັນ.
4. 4ພະນັກງານເບິ່ງຜົນຂອງຕົນເອງໄດ້ທີ່ /employee/kpi.

• ແຖບຕ້ອນຮັບ — ຊື່, ຕໍາແໜ່ງ ແລະ ພະແນກຂອງທ່ານ
• ສິ່ງທີ່ຕ້ອງເຮັດມື້ນີ້ — ສະແດງສະເພາະເມື່ອມີວຽກລໍຢູ່ຈິງ ເຊັ່ນ ໃບຄໍາຂໍລໍອະນຸມັດ ຫຼື ເອກະສານ ISO ທີ່ຍັງບໍ່ໄດ້ຮັບຮູ້
• ນາຬິກາ ແລະ ປະຕິທິນ — ເວລາປັດຈຸບັນ ແລະ ວັນພັກຂອງເດືອນນີ້
• ບັດທາງລັດ — ຈັດລໍາດັບຕາມບົດບາດຂອງທ່ານ ກົດ “ເບິ່ງທັງໝົດ” ເພື່ອເປີດເມນູຄົບ
• ແຖບລຸ່ມ — ໜ້າຫຼັກ · ບັນທຶກເຂົ້າ-ອອກ · ຂ່າວສານ · ໂປຣໄຟລ໌

1. 1ກົດປຸ່ມ ບັນທຶກເຂົ້າ-ອອກ ຢູ່ແຖບລຸ່ມ — ໃຊ້ໄດ້ຈາກທຸກໜ້າ ບໍ່ຕ້ອງກັບໄປໜ້າຫຼັກ.
2. 2ປ່ອງຈະເປີດຂຶ້ນ ພ້ອມກວດຕໍາແໜ່ງໃຫ້ເອງ.
3. 3ກົດ ເຂົ້າວຽກ ຕອນມາຮອດ ແລະ ອອກວຽກ ຕອນເລີກ.
4. 4ແຖບລຸ່ມສຸດຈະສະແດງເວລາເຂົ້າ, ເວລາອອກ ແລະ ຊົ່ວໂມງທີ່ເຮັດໄປແລ້ວຂອງມື້ນີ້.

ເບິ່ງປະຫວັດຍ້ອນຫຼັງທີ່ /employee/attendance — ເລືອກເດືອນ ຈະເຫັນທຸກມື້ ພ້ອມມາຊ້າ, ຂາດ ແລະ ຊົ່ວໂມງເກີນເວລາ.

1. ຂໍລາພັກ — /employee/leave

1. 1ກົດ + ຂໍລາພັກ
2. 2ເລືອກປະເພດ ແລະ ວັນທີ
3. 3ໃສ່ເຫດຜົນ ແລະ ແນບໃບຢັ້ງຢືນຖ້າມີ
4. 4ກົດສົ່ງ ແລ້ວຕິດຕາມສະຖານະໃນໜ້າດຽວກັນ

2. ຂໍເບີກຈ່າຍ — /employee/expenses

1. 1ກົດ + ສ້າງໃບເບີກ
2. 2ເລືອກປະເພດ ແລະ ໃສ່ລາຍການ
3. 3ຖ່າຍຮູບໃບບິນແນບໃສ່ທຸກລາຍການ
4. 4ກົດສົ່ງອະນຸມັດ ແລ້ວຕິດຕາມວ່າຄ້າງຢູ່ຂັ້ນໃດ

3. ອ່ານ ແລະ ຮັບຮູ້ເອກະສານ ISO — /employee/iso-documents

1. 1ເປີດເອກະສານທີ່ກ່ຽວກັບໜ້າວຽກຂອງທ່ານ
2. 2ດາວໂຫຼດອ່ານ (ໄດ້ສະເພາະສະບັບທີ່ໃຊ້ຢູ່ປັດຈຸບັນ)
3. 3ກົດ ຮັບຮູ້ແລ້ວ — ນີ້ຄືຫຼັກຖານທີ່ຜູ້ກວດສອບຈະຂໍເບິ່ງ

4. ໃບເງິນເດືອນ ແລະ ສັນຍາ

• /employee/payroll — ເລືອກເດືອນ ແລ້ວກົດພິມ ຫຼື ບັນທຶກເປັນ PDF
• /employee/contracts — ດາວໂຫຼດສັນຍາຂອງຕົນເອງ ບໍ່ຕ້ອງໄປຂໍສໍາເນົາ

5. ໂປຣໄຟລ໌ ແລະ ຄວາມປອດໄພ — /employee/profile ປັບປຸງເບີໂທ ແລະ ທີ່ຢູ່, ປ່ຽນລະຫັດຜ່ານ ແລະ /employee/device-logs ກວດວ່າມີເຄື່ອງແປກປອມເຂົ້າບັນຊີບໍ່.

1. 1ໄປ /admin/reports ແລ້ວເລືອກແບບລາຍງານຈາກແຖບເທິງ.
2. 2ເລືອກເດືອນ, ສາຂາ ແລະ ພະແນກ.
3. 3ອ່ານແຖບຕົວເລກສະຫຼຸບເທິງສຸດ — ຈໍານວນພະນັກງານ, ວັນມາວຽກ, ວັນຂາດ, ນາທີມາຊ້າ, ຊົ່ວໂມງເກີນເວລາ ແລະ ອັດຕາການມາວຽກ.
4. 4ກົດຊື່ພະນັກງານໃນຕາຕະລາງ ເພື່ອເຈາະເບິ່ງລາຍລະອຽດຂອງຄົນນັ້ນ.
5. 5ກົດ ພິມ ເພື່ອອອກເປັນ PDF ຫຼື ສົ່ງອອກ CSV ເພື່ອໄປໃຊ້ຕໍ່ໃນ Excel.

1. 1ກົດປຸ່ມ ພິມ ຢູ່ໜ້ານັ້ນ (ຫຼື ກົດ Ctrl+P / ⌘+P).
2. 2ໃນປ່ອງພິມ ຕັ້ງ ປາຍທາງ = “ບັນທຶກເປັນ PDF”.
3. 3ຕັ້ງຂະໜາດເຈ້ຍ A4 ແລະ ແນວ ຕັ້ງ.
4. 4ເປີດ ພິມພື້ນຫຼັງ / Background graphics — ຖ້າບໍ່ເປີດ ຫົວຕາຕະລາງ ແລະ ປ້າຍສະຖານະຈະອອກມາຂາວລ້ວນ.
5. 5ປິດ “ຫົວ ແລະ ທ້າຍໜ້າ” ຂອງໂປຣແກຣມທ່ອງເວັບ ເພື່ອບໍ່ໃຫ້ຊໍ້າກັບຫົວເອກະສານຂອງລະບົບ.
6. 6ກົດບັນທຶກ.

ບັນຊີບົດບາດ board ເມື່ອເຂົ້າລະບົບຈະມາຢູ່ໜ້ານີ້ ເຊິ່ງລວມ: ຈໍານວນພະນັກງານ ແລະ ອັດຕາການມາວຽກ · ຄວາມຄືບໜ້າໂຄງການ · ງົບ ທຽບ ລາຍຈ່າຍຕົວຈິງ · ມູນຄ່າຊັບສິນ · ສະຖານະເອກະສານ ISO.

ແຕ່ລະພະແນກມີໜ້າຂອງຕົນເອງ ທີ່ຕອບ 4 ຄໍາຖາມ: ຕ້ອງສົ່ງຂໍ້ມູນຫຍັງແດ່ · ສົ່ງໄປແລ້ວຫຍັງແດ່ ແລະ PKC ຮັບແລ້ວບໍ່ · ຕ້ອງທົດສອບຫຍັງເອງ · ຂັ້ນຕອນເຮັດວຽກ ແລະ ການປະສານງານພາຍໃນເປັນແນວໃດ.

1. 1ເປີດ /roadmap/dept ແລ້ວເລືອກພະແນກຂອງທ່ານ.
2. 2ຖ້າມີບັນຊີເຂົ້າລະບົບຢູ່ແລ້ວ ໃຫ້ເຂົ້າລະບົບຕາມປົກກະຕິ. ຖ້າບໍ່ມີ ໃຫ້ໃສ່ ລະຫັດເຂົ້າຂອງພະແນກ (ຮູບແບບ LTEC-XXX-0000) ທີ່ຜູ້ດູແລລະບົບແຈກໃຫ້.
3. 3ໃນສ່ວນ “ຂໍ້ມູນທີ່ຕ້ອງສົ່ງ” ກົດແຕ່ລະລາຍການ ແລ້ວອັບໂຫຼດໄຟລ໌ (ອັບໄດ້ຫຼາຍໄຟລ໌ພ້ອມກັນ ຂະໜາດສູງສຸດ 30 MB ຕໍ່ໄຟລ໌).
4. 4ປ່ຽນສະຖານະລາຍການເປັນ “ສົ່ງແລ້ວ” ພ້ອມໃສ່ໝາຍເຫດ.
5. 5ໃນສ່ວນ “ການທົດສອບ” ບັນທຶກຜົນການທົດສອບແຕ່ລະຂໍ້: ຜ່ານ · ບໍ່ຜ່ານ · ຕິດຂັດ.
6. 6ໃຊ້ຊ່ອງຄໍາເຫັນຖາມ PKC ໄດ້ໂດຍກົງໃນແຕ່ລະລາຍການ.
7. 7PKC ຫຼື ຜູ້ດູແລລະບົບ ຈະປ່ຽນສະຖານະເປັນ ຮັບແລ້ວ ຫຼື ຕີກັບ.

ທຸກການອັບໂຫຼດ, ປ່ຽນສະຖານະ, ບັນທຶກຜົນທົດສອບ ແລະ ຄໍາເຫັນ ຈະຖືກແຈ້ງເຂົ້າກຸ່ມປະສານງານໃນ WhatsApp ໂດຍອັດຕະໂນມັດ.

1. 1ເປີດ ltec.onemiracles.com/uat.
2. 2ອ່ານກຸ່ມທໍາອິດກ່ອນ — ເປັນສິ່ງທີ່ ລ.ວ.ຄ ຮ້ອງຂໍໄວ້ໃນກອງປະຊຸມ.
3. 3ແຕ່ລະລາຍການບອກວ່າ ປ່ຽນຫຍັງ · ຢູ່ໜ້າໃດ · ໃຊ້ບັນຊີລະດັບໃດ · ກົດຫຍັງແດ່ 3–4 ຂັ້ນ.
4. 4ກົດລິ້ງເປີດໜ້ານັ້ນ ແລ້ວທົດລອງຕາມຂັ້ນຕອນທີ່ບອກ.
5. 5ພົບບັນຫາ ໃຫ້ບັນທຶກໄວ້ໃນຫ້ອງຂໍ້ມູນພະແນກ (/roadmap/dept) ຫຼື ແຈ້ງໃນກຸ່ມປະສານງານ.

• ຖານຂໍ້ມູນຖືກສໍາຮອງ ອັດຕະໂນມັດທຸກຄືນ ເວລາ 02:30
• ເກັບໄຟລ໌ສໍາຮອງໄວ້ 14 ວັນຫຼ້າສຸດ ໃນໂຟນເດີທີ່ຈໍາກັດສິດເຂົ້າເຖິງ
• ສໍາຮອງທັງຖານຂໍ້ມູນຫຼັກ ແລະ ຖານຂໍ້ມູນຂອງ ProTask

ວຽກທີ່ ລ.ວ.ຄ ຄວນເຮັດ

1. 1ຂໍໃຫ້ PKC ຢືນຢັນ ເດືອນລະຄັ້ງ ວ່າໄຟລ໌ສໍາຮອງຂອງ 14 ວັນຫຼ້າສຸດຍັງມີຄົບ.
2. 2ຂໍໃຫ້ທົດລອງ ກູ້ຂໍ້ມູນຄືນ ຢ່າງໜ້ອຍປີລະຄັ້ງ — ໄຟລ໌ສໍາຮອງທີ່ບໍ່ເຄີຍທົດລອງກູ້ ຖືວ່າຍັງບໍ່ຮູ້ວ່າໃຊ້ໄດ້ບໍ່.
3. 3ຂໍໃຫ້ສໍາເນົາໄຟລ໌ສໍາຮອງເກັບໄວ້ນອກເຊີບເວີອີກຊຸດໜຶ່ງ.

• ຫ້າມໃຊ້ບັນຊີຮ່ວມກັນ — ທຸກການກະທໍາຖືກບັນທຶກຕາມຊື່ຜູ້ໃຊ້. ໃຊ້ບັນຊີຄົນອື່ນ = ຄວາມຮັບຜິດຊອບຕົກໃສ່ຄົນນັ້ນ.
• ອອກຈາກລະບົບທຸກຄັ້ງ ເມື່ອໃຊ້ເຄື່ອງຮ່ວມກັນ.
• ປ່ຽນລະຫັດຜ່ານ ຢ່າງໜ້ອຍປີລະຄັ້ງ ແລະ ທັນທີເມື່ອສົງໄສວ່າຮົ່ວ.
• ກວດອຸປະກອນທີ່ເຂົ້າບັນຊີ ຢູ່ /employee/device-logs ພົບເຄື່ອງແປກປອມ ໃຫ້ປ່ຽນລະຫັດທັນທີ ແລ້ວແຈ້ງຜູ້ດູແລລະບົບ.
• ຢຸດບັນຊີທັນທີເມື່ອພະນັກງານອອກວຽກ — ປ່ຽນສະຖານະເປັນ “ບໍ່ໃຊ້ງານ” ໃນມື້ສຸດທ້າຍ ບໍ່ແມ່ນລໍຮອດທ້າຍເດືອນ.
• ຮັບຄືນຊັບສິນກ່ອນເຊັນເອກະສານພົ້ນຈາກໜ້າທີ່ ໂດຍໃຊ້ລາຍງານ “ຕາມຜູ້ຮັບຜິດຊອບ”.

1. 1ກວດເບື້ອງຕົ້ນເອງກ່ອນ — ເບິ່ງພາກທີ 12 “ບັນຫາທີ່ພົບເລື້ອຍ”. ຫຼາຍກໍລະນີແກ້ໄດ້ໃນນາທີດຽວ.
2. 2ແຈ້ງຫົວໜ້າ ຫຼື ຜູ້ດູແລລະບົບພາຍໃນ ຖ້າເປັນເລື່ອງສິດເຂົ້າເຖິງ ຫຼື ຂໍ້ມູນຜິດ.
3. 3ເປີດໃບແຈ້ງບັນຫາ ທີ່ /admin/tickets ຖ້າເປັນບັນຫາຂອງລະບົບເອງ.
4. 4ໃສ່ໃຫ້ຄົບ: ໜ້າໃດ · ກົດຫຍັງ · ຄາດວ່າຈະໄດ້ຫຍັງ · ໄດ້ຫຍັງແທນ · ຮູບໜ້າຈໍ.
5. 5ຕິດຕາມສະຖານະໃນໜ້າດຽວກັນ.

ຝັ່ງບໍລິຫານ (/admin)

ຝັ່ງພະນັກງານ (/employee)

ເອກະສານໂຄງການ (ບໍ່ຕ້ອງເຂົ້າລະບົບ)

ພິມເອກະສານແຈກແຕ່ລະຫ້ອງ — ເປີດລິ້ງລຸ່ມນີ້ ແລ້ວກົດພິມ ຈະໄດ້ສະເພາະພາກນັ້ນ: